【头条独家】拍档女友同行唔敢沟女黎学勤投诉莫竣名推庄

更新时间：19:33 2020-03-26 HKT
发布时间：19:22 2020-03-26 HKT

Jeffery有女友Yammi 在场，讲嘢梗系小心啲嘅。

黎学勤（Jeffery）和莫竣名（MCM）两个广告男神，继主持ViuTV《一路向西伯利亚》奉旨冧尽多国美女后，早前转战马来西亚的槟城再拍《飞槟吧！男神》，今次新挑战要经营间海边旅馆，其间当然不忘沟吓女，但由于MCM女友同行，所以帮靓女搽太阳油呢啲动作即时推晒畀Jeffery做，搞到女友陪到场访问的Jeffery要即场利申，大向记者投诉。采访：杜淑霞服装：FILA、D-mop(黎学勤) 场地：Comma Party

就系呢幕搽太阳油，搞到Jeffery要讲清楚背后委屈。

两人话旅馆本身有员工打理，但全部当佢哋透明，唯有自己落手做。

今次节目组要求Jeffery和MCM经营一间有7间房最多可以住14人的旅馆，每天赚到2000港元，但他们认为是不可能的任务。Jeffery说：「隔离啲酒店又新又靓，就算我哋他们减价促销、当街兜客，拍咗两星期都系得一日叫做赚钱咋！」MCM再补充，「当地一支啤酒先卖30港元，根本系不可能的任务，唯一成功嘅一日就系举办类似Speed Dating形式嘅Ladies'Night。」

两人做苦力赚钱，成为这次旅程的重点。

旅馆酒吧搞Ladies'Night活动，身为老板当然要招呼客人啦！

做苦力帮补
旅馆揾唔到钱，两人唯有做小贩及去劈棕榈树等苦力工作赚外快帮补，Jeffery大呻：「但系我哋成日出发前先知去边，唔好话准备，连装备同着嘅衫都唔啱㗎！」虽然揾钱辛苦，但两人摆明继续有不少沟女机会，他们都大赞马来西亚女生热情漂亮，加上语言相通，较《西伯利亚》的嘉宾更易沟通。不过讲到好艳福，MCM竟然话：「其实真系有啲惊，啲女仔有时会好主动，所以都惊会中伏㗎！」讲到这个话题，Jeffery即时好激动投诉，「仲好讲你将搽太阳油𠮶啲推晒畀我做，因为佢女朋友嚟咗陪佢，佢仲同女友去埋庆祝生日𠻹！」追问Jeffery系咪怕女友嬲，他即时尴尬话：「唔系，其实女友今日都有嚟。」原来模特儿女友林洛锶（Yammi）就坐在后面，唔怪之得咁紧张要利申啦！