【头条独家】人生不用一马平川苏慧恩遇波折更懂珍惜

更新时间：00:04 2019-11-28 HKT
发布时间：20:26 2019-11-26 HKT

《一马平川》MV在日本拍摄，Ophelia坦言为了靓景几辛苦都值得。

苏慧恩（Ophelia）最近推出新歌《一马平川》，她选择用这个较冷门的四字词做主题，只因她认为每个人都希望一生能风平浪静，好似一马平川一样，但她反而认为遇到波折会令人更加珍惜所有，正如她由自资独立歌手，到现在签了公司，早已体会过一脚踢艰辛的她，更感激有团队照顾的幸福，专心做好音乐答谢支持她的人。采访：杜淑霞场地：Redmr

拍摄MV适逢有红叶，Ophelia大赞靓到唔想走。

早前Ophelia出席《亚洲音乐盛典2019》，并获得新人奖。

外表柔弱的Ophelia，自言是个女汉子，「可能细个父母工作都忙，我除咗照顾自己，仲要照顾埋细佬，习惯咗独立，好多嘢都系靠自己，读大学时半供读，连保安员都做过，不过因为呢啲经历，我自资做歌手嘅日子，仲要兼顾做模特儿、主持同制作网片，自己一脚踢都完全冇问题。」

Ophelia所属公司在海外有不少房地产项目，早前她就到了柬埔寨出席活动帮手宣传。

Ophelia签公司后，经常孖住师妹施匡翘出席活动。

签公司增曝光
正因以往的经历不是一帆风顺，令Ophelia想到新歌主题，「我听到首歌嘅时候有种一望无际嘅感觉，我就谂到一马平川呢个四字词，想到好多人都希望人生系平坦嘅，但系我觉得太冇风冇浪，反而到成功嘅时候，可能唔会觉得特别开心，虽然我仲距离成功好远，但依家签咗公司，好多嘢有公司同同事帮我打点，唔使再孤军作战，真系觉得好幸福，会珍惜依家有嘅机会，专心创作更多好嘅作品。」

讲到早前为《一马平川》到日本拍摄ＭＶ，Ophelia继续发挥一脚踢本色，「今次我继续揾咗我表哥做导演，我哋得四个人用咗四日三夜去完成咗两首歌MV，化妆整头当然自己包辧，但系我唔觉得辛苦㖞！」Ophelia坦言签公司后最大得着是曝光率，「公司有好多业务，餐厅、房地产、美容用品生意都有，公司好自然揾我做埋代言人，自己多咗唔同平台出现，知名度都多咗啦！」