KellyChu - 有发音如广东话「读歪小小」议员上京「港普」发言夏宝龙笑劝恶补 | Executive日记

更新时间：02:00 2026-08-11 HKT
发布时间：02:00 2026-08-11 HKT

88名立法会议员上月19至25日历史性赴京参加研修班，在结束行程前一天，获港澳办主任夏宝龙接见详谈5小时。据闻在该次高规格闭门会谈中，发生咗一段「小插曲」，由于不少议员嘅普通话都讲得唔太标准，以至夏宝龙忍唔住鼓励大家要学好普通话。多名议员认为，夏主任只系提醒一下，并非责怪，不过部分同僚嘅「港式普通话」又系真非粤语使用者都几难听得明。

　　成日有人笑香港人嘅普通话系「港普」，引用蔡少芬、古天乐等知名艺人嘅普通话发言揶揄。小妹都要公道讲句，香港人平日生活里真系较少用到普通话，所以唔多机会练习，自然讲得冇咁好。之不过，作为代议士嘅立法会议员，经常要到内地考察、接触中央政府官员，讲好普通话有助双方顺利沟通，都咪话唔重要。

　　据闻喺同夏宝龙会谈期间，不少议员发言时嘅普通话都颇为「普通」，更有个别议员发音犹如广东话「读歪小小」。夏宝龙亦因此忍不住鼓励一众议员要学好普通话，笑言大家上到北京，冇理由反而要佢学习好广东话。多名议员都认为，夏宝龙此番话并无责怪意味，只是以开玩笑的方式提醒议员努力学习。

　　有代议士则指，一众同僚系「精挑细选」嘅爱国者，冇理由「普通话都讲成咁」，加上喺爱国者治港下，少不免与内地官员接触，议员们应自觉努力提升好普通话水平。而喺内地长大嘅民建联立法会议员陈勇坦言，整体议员嘅普通话水平在沟通上肯定没问题，只系部分带有港式普通话风格，相信领导人肯定听得明白，而且一听开口就知道是来自香港特区。Kelly希望各位议员日后多加练习，做个好榜样喇。

KellyChu

↓追踪《星岛头条》WhatsApp频道↓