陈山聪不做虎爸只有一坚持 6岁Jaco面对日做10样功课这样应对令爸爸放心

不少家长为子女学业绞尽脑汁，视帝陈山聪却有不一样的取态。他日前亮相梁靖琪（Toby）主持的YouTube节目《Tea Talk with Toby》，罕有谈及与6岁儿子陈霆轩（Jaco）的相处点滴。原来这位爸爸最紧张的不是成绩表上的名次，而是儿子能否写好中文字、做个有礼有风度的男孩；他甚至曾因Jaco写字马虎，把儿子带到镜前认真训话，场面既严厉又充满父爱。

写字草率触发底线 拉儿子到镜前训话

陈山聪分享了自己对儿子最严厉的一次经历。有次Jaco在家写字非常草率，连自己的名字都写不好，惹得陈山聪大发雷霆，更将他拉到镜子前严肃训话。他向儿子解释爸爸的苦心：

阿仔，点解我要闹你，因为你中国人，你一定要识写中文字！……你将来想做个咩人？系由你自己决定，你想成功？想失败？你就要努力啰！系靠你自己，爸爸只系support你，我点解要话你，点解想你啲字写得靓，我唔想你俾人笑，如果其他同学仔写得靓，得你一个写得肉酸嘅，人哋笑你，你会唔开心，你宁愿爸爸闹你定宁愿返学俾同学仔同老师笑？

陈山聪又向儿子解释，虽然知道将来凡事都可以靠电话语音输入，但连自己的名字都写不好就「唔得」。Jaco顿时明白爸爸的用心，立刻坐好重新将字写得端正。陈山聪亦倍感安慰，大赞儿子非常受教，转数快且能迅速知错能改：「一个6岁小朋友，佢系可以转脸转得好快嘅！……佢好快识得，好犀利！叻过我㗎！」

大赞Jaco独立有风度 面对镜头毫不怯场

陈山聪大赞儿子性格非常独立，而且充满社交风度。他笑言平时会教导儿子许多礼仪规矩，而Jaco亦十分乖巧，不仅会主动照顾其他小朋友，懂得与同学分享，更是大方得体：「因为佢男仔，我希望佢识好多嘅规矩、礼貌……咁佢好gentleman嘅……佢真系好有风度嘅，系好好同埋好take care人嘅。」

提到Jaco面对大场面的表现，陈山聪坦言感到非常惊喜，指儿子完美遗传了面对群众的胆识，无论在台上演出或面对镜头都毫不怯场，甚至曾主动向父亲提出想尝试去「卖旗」筹款：「佢好独立咯……6岁就独立……佢系好淡定呀……（面对）镜头呀唔惊㗎……佢知道有观众就来了……佢知道系咩一回事嘅。」

陈山聪又透露，Jaco曾与阿佘（佘诗曼）拍广告，他驾车送儿子去拍摄时，见到儿子埋位即自动波，大感骄傲：「呢样嘢我好欣赏佢，我好proud of佢呢样……佢埋位就嚟㖞！同佢拍亲嘢都under收工，佢真系好犀利！」他认为儿子自小接触演艺圈中人，见惯世面，因此不怕丑，更有自己的talent。

坚拒盲目催谷 拒做「虎爸」

在竞争激烈的教育环境下，不少家长都会无所不用其极地催谷子女，但陈山聪明言自己绝对不是「虎爸」。他深知读书无法强逼，因此从不要求Jaco名列前茅：

我唔会系逼佢读书，因为一我唔系读书嘅材料……我想你读到书啦大佬，我自己读唔到书，我想你读到啦咁，但系冇得逼㗎，读书系冇得（逼）……佢唔钟意，你逼佢都冇用。

他只求儿子尽本份完成功课，不要「太过包尾」即可：「我又唔系要佢考第一，但系总之佢完成就OK嘅，唔好太过包尾㗎嘛。」比起学业成绩，陈山聪更重视儿子的品德。谈到对儿子的期望，他直言：「冇，总之唔系变坏就得喇！佢做咩工作都冇所谓，咁当然望子成才就梗㗎啦！每个父母都想，但系咪真系成到才就睇佢自己，我净系负责support佢啰！」

Jaco读传统学校每日10样功课 

节目中，陈山聪提到Jaco读传统学校，每日有10样功课，自己光是想像也觉得辛苦。陈山聪却笑言，儿子比他想像中坚强：

我问佢，有十样功课好多㖞，Jaco系咁样答我：『都唔系咁多啫！OK吖！』咁我就放心喇！佢肯咁讲，起码佢会话俾我听先……我见到佢都享受校园生活嘅，enjoy嘅！

陈山聪又透露Jaco的日常时间表非常紧凑：早上7时15分坐校车，下午4时30分才返到家，冲凉、食少少嘢后做功课，等补习老师来，搞到7、8时，之后让他玩半个钟，9时或9时半就寝。他感慨现时小学开支繁多，「而家啱啱开始咋，到佢五、六年班有同学要出去，好多嘢㗎！」

计划暑假送儿子到温哥华 冀扩阔眼界

陈山聪表示，会视乎Jaco的性格来决定是否让他继续在传统学校升学：「我觉得Jaco系可以handle到应付到，咁咪试啰！唔得先转啰，冇咩所谓。」他又计划明年暑假送儿子到温哥华读summer school，接触不同的小朋友，扩阔眼界：「等佢见到更多嘅嘢，等佢自己思考吓！」

谈儿子改变人生 陈山聪：除咗佢，冇嘢系属于我

谈到Jaco如何改变自己的人生，陈山聪感触良多。他忆述儿子出世一刻的激动心情，坦言从没想过四十几岁才做爸爸，但这个「意外」是上天赐给他和家庭的礼物：

呢个世界除咗佢，冇嘢系属于我，除咗佢，佢流紧我嘅血呀，佢出世𠮶刻我已经系咁谂……你知我忍唔到，我讲起佢，讲起我daddy会系咁，wow！原来系咁amazing嘅一件事嚟嘅。

陈山聪又笑言，随着儿子长大，虽然不再时时刻刻都觉得「amazing」，反而觉得「好多嘢呀！好烦呀！」但仍然非常享受：「但系enjoy嘅，开心嘅……」他强调，现时的努力都是为了儿子的将来：「我陪到佢，我一定陪佢，而家嘅努力都系为咗佢嘅将来。」

寄语儿子：唔需要比较

陈山聪又在节目中分享自己的育儿哲学，认为现今世代不一定要读书读得非常好才有出路，最重要是发掘潜能，亦不需要与人比较：

我都会同Jaco讲嘅，唔需要比较，我唔要你好劲，总之你正正常常。

他寄语儿子将来想做什么工作都可以，爸爸只会负责support，条路要由儿子自己行。