大埔富蝶邨送外卖遇火警外卖员拉消防喉与居民齐心救熄网民致敬｜Juicy叮

时事热话

更新时间：13:18 2025-12-15 HKT
发布时间：13:18 2025-12-15 HKT

一位外卖员早前在大埔富蝶邨珍蝶楼送餐期间，意外遇上火警。在危难下，神勇的外卖员在消防员抵达前，与街坊合力拉消防喉救火，成功化解一场危机，获网民致敬并誉为「真英雄」。详情见下图及下文：

大埔富蝶邨送外卖遇火警外卖员拉消防喉与居民齐心救熄网民致敬逐张睇↓↓↓↓

事发于宏福苑灾难前一天

楼主11月25日在facebook群组「香港啤酒关注组」上载短片及相片发帖，而这件事的发生时间，刚好是大埔宏福苑五级大火灾难前一天。

从短片见到，街坊毋惧浓烟持消防喉射水一幕；另外两张相是消防到场的情况，和楼主事叹收工啤的画面。而在回应栏，还有网民上载由居民在走廊拍摄到，楼主和街坊救火的实况。

详述事件来龙去脉

楼主在长文中讲述在富蝶邨救火事件的来龙去脉——「今晚（11月25日）送外卖去富蝶邨珍蝶楼，搭升降机上29楼送某单位，搭到中途响警报同响警钟，幸好到29楼开门，冇困升降机，咁张单话挂门口就可以了，我完成张单后，发觉唔对路，有阵烟味（唔通火烛？）」。

楼主接著表示，「已经有啲住户开始走出嚟睇咩事，垃圾房有啲白烟，咁我自己推断（啲烟系楼下升上嚟，唔系依层），我跑楼梯落下层睇，以有个阿叔拎住枝消防喉对住垃圾房，但系冇火原。我同阿叔讲唔系依层，要再落，我同阿叔讲一齐落，有啲咩事互相照应，阿叔：好」。

楼主续讲述救火情况，指：「终于落到25楼，火原喺垃圾房入面，里面好大烟，我同阿叔反应好快，阿叔开消防门柜，佢太急，用拳头打水龙头块玻璃片，我：唔好用手，旁边有枝细锤仔。咁爆开咗，我就拉咗水龙头出嚟，有个哥仔帮到手，拎住水龙头冲过去垃圾房，我拉喉，阿叔开水制，我叫哥仔：湿件衫揞口呀。佢一开垃圾房个门，啲浓烟涌晒出嚟走廊，佢吸咗两啖浓烟搞唔掂，我同阿叔接力射水，浓烟向上升，我哋踎咗喺度（避免吸入过量浓烟）」。

源头系其中一个垃圾桶

楼主忆述「继续救火嘅时候，我见到有个女人用毛巾揞住个口企喺浓烟走廊中间，我：快啲走呀，企喺度做咩呀，落楼梯呀。根住阿叔烟到眼，睇唔清楚搞唔掂，接力等我嚟，你去楼梯避一避，叫其他帮到手嘅，拉多一枝喉上嚟，依到我顶住先（我戴住头盔有面镜顶住啲烟），最终找到火的源头系其中一个垃圾桶，我沿住源头射水，最后俾我救熄咗喇」。

最后楼主表示「救熄咗，消防员先刚刚到，我：交俾你哋喇！～（出晒汗的我，行20几层楼梯落楼，见到啲阿婆阿伯带住啲孙仔行落楼，我救熄咗，消防员善后紧，返屋企啦，咪行喇）」。

楼主在帖文的「后感」中表示「（当然，要判断自己做唔做到，可唔可行，幸运地住户发挥合作精神，先可快速救熄场火，香港人~狮子山精神💪）#收工啤#外卖师」。