搭港铁3站3遇「白斑怪汉」 夜归女疑遭跟踪吓到起鸡皮 网民教脱身提醒勿做一事｜Juicy叮
发布时间：11:28 2025-10-24 HKT
有夜归女日前乘搭港铁时遇上恐怖片情节，发觉怀疑被一名「白斑怪汉」盯上，同一程车竟连续在3个车站都遇上这位怪男，被吓到「起晒鸡皮」。细思极恐下，女事主在网上讲述经历警世。有机警的网民则教路如何脱身，特别提醒在这情况下切忌做一事。详情见下图及下文：
搭港铁3站3遇「白斑怪汉」 夜归女疑遭跟踪吓到起鸡皮逐张睇↓↓↓↓
楼主：地铁惊魂记
楼主本月21日在社交平台Threads以「地铁惊魂记」为题发帖详述件：「各位女仔夜晚搭地铁真系要小心，随时要留意下有无被变态佬跟踪！今日夜晚练完波搭到九龙湾站嘅时候见到有条友（手脚上有白斑+斜视+睇落有少精神问题）企咗喺扶手隔离，feel（感觉）到佢应该有哨我，但系佢眼神无对焦我又唔系好分得清，佢可能知道我有一直为意佢跟住喺下一个站落咗车（呢度系重点！！）因为我怀疑佢可能专登走咗去另一个车厢，想我放松警惕…」。
楼主续指：「跟住我喺钻石山站转车去屯马线，坐低一阵之后发现条友居然无啦啦出现喺我面前仲要坐喺我隔离？？？本身睇紧Netflix（电影）但喺个刻即刻成个人开始警惕，跟住我有一直观察条友同埋附近嘅情况，于是决定喺显径站落车，我仲要等到最后闩门𠮶下先出去 ，之后我见到条友即刻企咗起身向车厢嘅反方向行！」。
楼主接著称：「咁我就等下一班列车来再上车，中途我都有同男朋友call（聊天）+同朋友keep（保持）住联络，上咗车之后发现人都几多，咁我左望望右望望好似无见到佢就揾个位置坐低咗，点知！！！我坐低1分钟唔够就见到条友喺后边车厢行过嚟？？？𠮶下真系起晒鸡皮以为自己睇紧恐怖片，咁我就一直睥住佢，佢可能都知我已经对佢有戒备所以无坐低喺我附近，佢一直行去前面车厢，跟住我就同佢行反方向，到站一开门之后即刻狂奔返屋企」。
楼主在回应栏补充：
•见到一次两次都算，但系第三次我为咗避开佢已经专门等多咗一架车，佢都仲可以出现系我面前…简直细思极恐，仔细谂返，真系好恐怖。
•我怀疑佢见到我落车之后无即刻行去出口，跟住佢都系下个站落车等下一班车，应该博我哋上咗同一架车。
•本身都expect（预计）唔会再撞见条友，点知下一秒佢出现喺我面前真系差啲嗌救命。
•好彩车厢入边多人，如果唔系真系吓到癫。
相关阅读：夜归女南昌站遭搭讪 陌生汉痴等唔走吓到手震 即兴使出一招即甩难
网民教路脱身时切忌做一事
有回应的网民感慨「依家世道真系好乱，女仔搭地铁都要保持警觉」、「好似恐怖片咁，所以千祈唔好挂住睇手机！一个女仔出街都要好小心至得！」。
对于楼主身处险境，有网民特别提醒「如果条友真系咁癫，唔好直接跑返屋企，如果你唔够佢跑／可能俾佢跟到，知道你屋企喺边就惨了～建议去咗附近多人地方揾人帮手先，再揾人嚟接你会好啲，唔好自己一个～」。
另有人建议「名正言顺开video cam（拍摄）自拍边讲自己喺边，故意映埋佢先，佢身有屎嘅话一定惊过你，你亦录影存证咗」。
相关阅读：酷热著少布 「𥄫女党」冲突频生 港女斥猖獗：前世未见过女人咁 「视奸vs望唔蚀」掀议
有网民分享同类经历：
•我喺铜锣湾地铁内都遇过黐线佬跟住我，到月台等车嘅时候佢望住我越行越近，我知佢目标系我，我即刻由车头行到车尾，睇下有冇善良嘅路人可以帮我（因为自己一个真系几惊），最终揾到地铁职员说明情况，个黐线佬都冇跟上嚟啦。
•好明白你，我有类似经历！𠮶阵个男人系喺屋企楼下跟我到地铁站…佢行我前面keep住拧转头望我，我又系好似你咁，为咗避佢行咗第二条路，点知去到地铁附近佢喺我隔离行过，企系我前面拧转头望住我笑……我吓到企咗喺度好彩佢继续行，之后就冇再见到佢。
•周围都有。试过喺马鞍山海傍坐低食嘢，跟住有个男人坐隔离。食完行去公园坐低，个男人又坐隔离张櫈，坐咗阵同小朋友行去公园另一边游乐场玩，个男人第3次出现我就觉得有个男人有问题，但因为星期日公园好多人，我又无惊。
•试过有女同事俾个赤膊白卡佬跟埋入office（办公室），好彩我早返去坐咗喺大门口度吓走条友，个女同事完全唔知有人一直跟住佢尾仲要贴得好近𠮶只，都唔知俾人跟咗几耐…所以真系出街要带眼留意周围环境，你发现佢先好过佢target（目标）你先。
资料来源：fc_tzhng＠Threads
相关阅读：港人广州酒店疑被踩线男死跟 起戒心不入房疑匪突「咁做」 事主震惊：我觉得有啲危险↓↓↓↓
有港男与女友北上广州住酒店，遇到怀疑窃匪「踩线」疯狂死跟，港男分享惊险经历表示自己一度企在电梯门口不入房，谁料该踩线男仍没有知难而退，继续做出一些举动，令他感到「有啲危险」。事主亦交代最后如何成功撇甩踩线男的跟踪，详情如下↓↓↓↓
