港铁婆婆挥拐杖迫小童少女让座 女事主被笃中兼批踭：「好惊，成个人震晒！」最后咁至败走｜Juicy叮
发布时间：16:16 2025-09-16 HKT
有少女在港铁被一名婆婆挥拐杖迫让座，她指婆婆「冇预警」硬摄入她和一名小童之间，婆婆「系咁撞埋嚟」，女事主遭拐杖笃中，并被批踭，当时她「好惊，我成个人震哂，因为我唔知佢会唔会郁手打我」。
事发在上周日（14日），女事主有交代该名婆婆最后下场，过程如下：
港铁婆婆挥拐杖迫小童少女让座 女事主被笃中兼批踭：「好惊，成个人震晒！」最后咁至败走↓↓↓↓
该名少女在社交平台发片发帖表示，上周日（14日）早上补习完毕搭港铁，一名婆婆「一上车就挥动佢支拐杖，兼呼喝啲人要让座畀佢」，之后，「冇预警咁成个人坐落嚟我同隔离个小朋友度」。
她表示，该名小童旁坐著工人姐姐，「个工人姐姐即刻抱返起小朋友一齐坐」，婆婆成功摄位，但仍继续「系咁撞埋嚟，又揾佢支拐杖笃我批踭我，坐低之后再擘大佢对脚不停撞，硬系要一个人霸几个位咁」。
女事主忍无可忍拿手机拍该名婆婆，与之对质，她形容：「佢仲要郁手郁脚咁笃到我块面，𠮶阵其实我都好惊，我成个人震哂，因为我唔知佢会唔会郁手打我。」
「工人姐姐即刻抱返起小朋友一齐坐」
楼主公开当时对质影片，片中她向婆婆说道：「系咪老人家就要咁样让！」婆婆即以大动作手指指，并喝道：「我开车唔企得呀！我叫你让个位畀我坐呀！」
女事主反驳：「咁你大晒呀？」婆婆回应说：「唔系大晒，我企唔稳呀！」女事主即澄清是针对她的不礼貌态度：「咁你讲唔该呀嘛！」婆婆申辩说她有讲唔该，女事主即指出：「就系咁样用枝拐杖整我嘅？！」婆婆又否认有拐杖碰她：「我无整到你呀，我叫你让畀我坐呀！」
两人争驳间，对面座位一名女乘客仗义执言，喝令婆婆：「你唔好再摃人啦！」婆婆闻言一面错愕，没有回应，反继续指责女事主：「你咁后生都唔让个位畀老人家坐！」
这时对面座一名男乘客亦发声：「老人家唔系大晒嘅！」婆婆即反驳：「我开车唔得，企唔到！」刚才发声的女乘客怒斥：「咁，可唔可以有啲礼貌？你已经坐咗啦，仲使唔使咁样摃人哋呀？」
「唔让畀你哋老人家，咪因为无礼貌啰！」
婆婆否认有推撞女事主，该女乘客表示：「我啱啱睇住你摃佢3次㖞！你摃佢3次啦，望住你啦！无礼貌就无礼貌啦！」婆婆一时语塞又转头埋怨女事主：「人哋只有让畀啲老人家坐。」女乘客这时再反驳道：「唔让畀你哋老人家，咪因为无礼貌啰！」
男乘客亦出声：「唔好恃老卖老啦！」这时列车到站，婆婆反驳说：「最叻讲呢句啦！」之后起身推著车仔离去。
女事主在帖文中强调「我平时系会主动让座畀有需要嘅人」，「『攰』系冇分年龄层」，她批评该长者无基本礼貌：「唔好攞你老人家身份嚟横蛮无理，咁大个人连基本礼貌都唔识，仲要郁手郁脚」。
女事主亦感谢现场两名仗义执言的男女乘客：「好在有在场人士一早已经睇到呢个婆婆对人嘅唔礼貌行为，肯帮我发声，好感激遇到正义嘅你哋。」
网民热议事件，有人认为「点都好，都要尊重老人家，你企硬唔让坐，列车一开，老人家企唔稳跌倒，你系咪会开心呢」，但有人则认为老人家不应恃老卖老，要人让座亦须有基本礼貌，有人又认出该婆婆有前科，搭小巴时迫「后生仔帮佢搬架手持车上小巴，永远都系唔会有一句所谓既『唔该』。」
来源：vsumsum＠Threads
同场加映：关爱座变批斗座？疯传港铁长者坐优先座全程咁晒乐悠咭 目击者：好大压力↓↓↓↓
