豪订12人海鲜作饵 「生意党」用一尴尬借口怂恿订酒图呃钱 海鲜店一招识破诡计｜Juicy叮
发布时间：13:23 2025-08-04 HKT
骗徒渔翁撒网，社会上不同阶层人士也有机会受骗。「生意党」骗徒便针对商人，千方百计倾生意作故仔，企图让对方以为有利可图而落叠。
有「生意党」早前便向一家海鲜店豪订12人份量的海鲜，作为公司晚上聚餐之用，期间以一尴尬借口怂恿店家帮忙订酒企图呃钱，幸而醒目的海鲜店以一招识破诡计，力保不失。详情见下图及下文：
豪订12人海鲜作饵 「生意党」用一尴尬借口怂恿订酒图呃钱 海鲜店一招识破诡计逐张睇↓↓↓↓
楼主：真人真事 我们遇到骗案
楼主本月初在社交平台Threads直接以「骗案」为题上载相片发帖，提醒「长文慎入，真人真事，我们遇到骗案！」。楼主的警世文以「桥的确唔怕旧，尤其系大家屋企有做生意嘅长辈，唔好怕长气，记得提佢哋慎防骗案！」作开场白。
接著讲述事情始末，由「生意党」开始接触他们说起——「有冇朋友试过有以下类似嘅经历？话说骗徒假扮客人想揾我哋订海鲜，然后想喺附近酒楼做海鲜加工。首先，骗徒㖊日下昼已经开始WhatsApp我哋，自称林生，『有12人食公司晚饭想订海鲜，听日下昼6点过嚟门市，又问我哋附近有边间可以做海鲜加工…』。
咁我就顺理成章介绍咗几间可以做加工嘅食肆俾佢…（正常的，大家都会咁问），然后，佢叫我帮佢谂菜式，又叫我写个海鲜List（名单）俾佢预12人份量（我有好认真咁帮佢），佢仲想叫我帮手打电话去酒楼度订枱。（当然我就冇咁做，因为我哋同酒楼系冇关系）」。
相关阅读：「亲戚童党」港铁出没 出一奇招搲饭食、讨$2 港女俾钱后男童竟自认表弟
楼主指起初时一切正常
楼主提到起初时一切正常，「当下呢刻，所有嘢都好真实亦好似好顺利，我提议任何嘢，呢位林生都话OK，佢仲讹称话会介绍多啲朋友过嚟我哋到买海鲜（我真系好多谢你）」。
但接著说到重点，「生意党」的戏肉到了。楼主称「不过，呢个时候我都开始有少少怀疑了，然后…戏肉到。今朝佢又再WhatsApp打俾我，关心问我返工未？ (似乎想博取我信任），寒暄两句后，佢终于入正题了，佢想叫我帮佢订酒！佢想叫我帮佢订酒！
佢讹称话想送酒俾公司同事，不过根据佢嘅口供，话同自己本身订酒嘅供应商，基于回购问题产生咗矛盾；讹称「唔好意思喺𠮶度订」，所以叫我揾相熟嘅朋友帮佢订酒，佢仲信心十足话可以预先付款（佢讲到呢到…都已经觉得桥段好似曾相识），然后，骗徒又再WhatsApp咗张酒相俾我（下面图一）」。
相关阅读：「神棍党」屯门周街指点迷津 写幸运号码念经后即收钱 网民爆行踪：九龙呢3处都有
醒目楼主使出一招揭发诡计
醒目楼主于是使出一招揭发诡计，自爆「喺好奇心嘅驱使下，我就上网Google张相，点知……我发现到佢Send（传）俾我张酒相，同网上图片嘅相系一模一样…𠮶张网上图片系一张WhatsApp对话嚟，啲对话同我收到个啲都系内容相若。骗徒又系叫对方帮手订酒，又系Send咗呢张酒相俾佢，又自称可以预先付款等等…（目的要预先博取你信任）」。
楼主醒目地表示「当然我就冇中计啦…因为我对酒呢样嘢又唔系好认识，咁个波就一定俾返佢㗎啦」。讲述事情的后续发展时，楼主称「到最后，林生真身就梗系从来都无出现过（订海鲜都只不过系一个借口）而佢知道事败，今日下昼亦好快将所有WhatsApp对话全部Delete（删除）咗」。
但系我又唔觉意咁帮佢预先Cap好咗某啲对话，欢迎Share（分享）！（尤其系俾屋企长辈）唔希望再有人会俾呢班无耻骗徒呃咗大家嘅辛苦钱」。
楼主最后提醒「所以想借分享呢件事温馨提示一下，各位长辈、同行、零售业者、营商者等大家记得要小心！最后最后，我哋系唔会俾呢啲骗徒吓怕，如果你哋有12人想订海鲜又想喺我哋门市附近做海鲜加工…，我哋仍然会WhatsApp接单的多谢你地无惧长文睇到呢到」。
资料来源：3fish.seafood＠Threads
相关阅读：港男罗湖遭「美女党」纠缠实拍全过程 请饮嘢后出事：「佢拉住我唔畀我走！」最后金钱损失咁多↓↓↓↓
去年底，有港男实拍在罗湖怀疑被「美女党」纠缠，他偷偷拍下全过程，提醒「大家要提高警觉」，引发网民关注热议。港男Youtuber「香港大成」发布其亲身经历，他将全过程公开如下↓↓↓↓
