暴雨巴士奇景 女乘客「粉红色不见天物品」晾扶手 网民嘴藐藐：见过阿叔晾底裤｜Juicy叮
发布时间：10:52 2025-08-03 HKT
暴雨下，巴士车厢出现晾晒奇景，一名女乘客竟然在座椅前的扶手上，晾著一对粉红色的「不见天物品」。有网民原来也曾目睹类似情况，嘴藐藐忆述：「试过搭A23，见住有个阿叔拎咗条底裤出嚟晾」。详情见下图及下文：
暴雨巴士奇景 女乘客「粉红色不见天物品」晾扶手逐张睇↓↓↓↓
楼主搭A12去机场返工途中
楼主昨日（2日）早上10时50分黑色暴雨警告信号生效期间，在社交平台Threads上载相片发帖，指「点解啲人可以咁呕心，咁冇公德心都得嘅，将对袜挂喺个扶手度，有冇谂过其人搭巴士嘅感受，搭紧A12去机场返工途中」。
相中见到涉事的女乘客相当善用巴士设施，除了在椅前的扶手上，大剌剌地晾著一对有白间条作装饰的粉红色袜子外，还在扶手旁的小挂钩挂上，挂有一把疑似伸长了的缩骨遮；而其座位周围也坐有其他乘客。
相关阅读：黑雨水浸｜密云压城 本港多处路面积水 网民：搭搭下巴士变咗搭船
网民：黐线…咁都做得出
见到一对怀疑刚刚被「新鲜」穿著过的袜子在公众地方，于陌生人身旁这么近距离地晾晒，网民感到相当不安，齐声指责：「呢个癫」、「都几核突」、「这个公审⋯支持」、「黐线…咁都做得出…」。
有人大呻「隔住个Mon（荧幕）都闻到好臭」、「咁Ｘ大阵臭袜味，边个Ｘ街晾袜」、「Omg（Oh My God，我的天呵）...仲有人坐佢隔篱，唔臭咩？」。
还有人提议「伸个头去笑下佢」、「大大声问佢，小姐，对袜几靓㖞，喺边买㗎？同埋咁样挂喺扶手，系咪真系干得快啲。反正样衰嘅系佢」。还有人心水清地称「干得去边？多Ｘ余」。
由于涉事的疑似是一名年青女子，网民更加奇怪，同时也感慨——「似后生女wor（㖞）⋯唉」、「咁后生都做呢啲嘢…」、「完全冇卫生常识」、「后生女可以咁冇公德心同埋唔注重自身卫生问题，就算唔系脚气传染俾其他人，都有机会真菌感染返对袜传染香港脚返自身」。
相关阅读：鸡有鸡味 落雨有落雨味？ 天文台点解话同闪电有关？ 网民：好钟意呢浸味
网民：以前公司有人放对湿袜去微波炉焗
有网民更加乘机自爆见过的更糟糕情况：
•网民甲：试过搭A23，见住有个阿叔拎咗条底裤出嚟晾（最后阿叔喺港珠澳大桥口岸落咗车。
楼主：想呕，黐线啲人愈黎愈有病，真系唔好怪啲人仲有消毒后遗症，随身都带消毒喷雾同湿纸巾出街，保护自己系有需要的！
•网民乙：极品！以前公司有人放对湿袜去微波炉焗添！
网民丙：黐线，咪劲臭啰....我以前系揾报纸索干，不过而家无报纸...。
资料来源：irenelan519_＠Threads
相关阅读：将军澳暴雨下飞瀑奇景 香港单车馆4瀑齐飞 网民：大瀑布单车赛↓↓↓↓
本港连场暴雨，将军澳昨日（2日）早上在暴雨下出现飞瀑奇景，香港单车馆外4瀑齐飞，澎湃又壮观。楼主昨日早上8时11分在facebook群组「将军澳主场」以「香港单车馆」为题上载短片，留言指「早晨！单车馆嘅瀑布」↓↓↓↓
网民上载各区暴雨画面逐张睇↓↓↓↓
7月29日黑雨相关阅读：倒水咁！黑雨突袭多区大水浸震撼画面曝光 网民涉水而行：我系咪坐紧船
7月29日黑雨相关阅读：黑雨返工！鲗鱼涌港铁站变码头千人被困「望洋兴叹」 打工仔直击：贱过地底泥！
