淋雨当洗头？一星期洗一次？ 文化差异冲击移英港妈 网民爆当地人换底衫裤次数｜Juicy叮
发布时间：13:02 2025-06-20 HKT
有移英港妈近日因为洗头次数问题，饱受文化差异冲击，惊讶有人一星期洗一次头？又有阿女的同学仔淋雨当洗头。有网民更大爆当地人曾提及的换底衫裤次数。详情见下图及下文：
一星期洗一次头？ 文化差异冲击移英港妈逐张睇↓↓↓↓
楼主睇访问：平均一周洗一次头
楼主早前在社交平台Threads上载一张松郁蒙，相信是学校街景的相片，以「英国生活#文化差异」为题发帖，称：「作为一个一般嘅香港人，每日冲凉洗头就基本啦～（Ok，我承认有时我系隔日洗头嘅）。咁我都明白，英国天气比较寒冷，干燥，出汗亦少～，佢哋唔会每日冲凉洗头系冲击唔到我嘅。我心目中嘅唔系每日，都有可能系隔日又或者隔多一日，但早前有睇过一个访问，佢哋系平均一星期洗一次头！
是日全日间续咁落雨，众所周知英国人系钟意淋雨啦，就算由头湿到落脚，都完全无惧风雨咁继续淋。大家姐就好奇咁问本地嘅同学仔：“咁你今晚返去会唔会洗头？”，同学仔就答：“点解要洗呀？宜家咪洗咗啰，今个星期唔使洗啦，可以下星期再洗。”喂呀～我真系理解唔到，细细个妈妈教落淋咗雨一定要洗头，定系佢哋啲雨水干净啲？#充满冲击的一天#英国日常」。
相关阅读：移英港人猛呻：嚟英国后劲甩头发 网民盘点原因教路：食呢样嘢急救
网民分析：皮肤唔同无油
楼主在回应栏补充「根据阿女讲佢哋喺学校嘅衞生习惯，所以我信咗～」。于是有人分析「Local（当地人）皮肤唔同无油，唔油唔出汗就唔黐𥹉𥹉；亚洲人皮肤相对多油，啲油会黐尘、黐死皮会觉得痕」。
不过，也有不少回应的网民好奇，如果真是一星期洗一次头，「头唔Ｘ痕咩？」、「好奇会唔会有阵头油味？」、「问题系佢地个头唔㾗㗎咩？」、「我系好奇点解个头唔痕？？我两日无洗已经劲痕！！。此外，还有人强调「就系淋完雨先要洗」。
相关阅读：移英港人疑堕培训骗局 高时薪聘剪片员IT人 出粮前竟要做呢样嘢
网民陆续爆料
回应的网民陆续爆料指：
「所以咪有头虱啰」、
「所以成日有生头虱」、
「英国学校头蚤常有」、
「佢哋仲会耐唔时有头蚤」、
「周不时学校有通告有人有头蚤」、
「好想知道佢哋屋企佢哋、张床可以有几污糟⋯」、
「所以佢哋好后生就开始无头发啰。对个头皮咁差」、
「英国寄宿学校宿生有头虱都算几Common（普通）」、
「所以⋯⋯间唔中会收到学校通知，话某某班有小朋友有头蚤」。
还有人讲出与当地人接触后，就个人卫生的所见所见闻：
•有个同事话佢系从来唔洗头，但系我哋话佢有阵味后佢终于开始洗头喇；
•同事病咗，一返屋企系除咗鞋就上床瞓......如果你睇过屋就见到佢哋通常放鞋入衣柜；
•学校老师都有提过最好一个星期冲两至三次凉，佢地好多喷止汗济就算，但老实又唔觉得佢哋有臭味；
•之前个frd（朋友）问我几日洗一次头，我话日日，结果佢叫我好似佢咁隔一个礼拜先洗啦，唔隔一个礼拜洗嘅话好伤害头皮；
•网上妈妈Group（群组）啲英国妈妈系讨论应该几耐冲一次凉洗一次头....我都觉得呢啲点解有讨论嘅空间，唔系应该每日冲凉咩？！头如果唔污漕隔日洗都仲得；
•我以前以为就算佢哋个日唔冲凉，都会换内衣裤，直至10年前我exchange（做交换生）时host mum（寄宿妈妈）同我讲，佢冬天一个星期先换一次内衣裤，所以叫我都唔好换得咁频密......简直刷新咗我对英国嘅文化观。
但也有网民自爆入乡随俗，称「嚟到呢度我依然日日洗头，冲凉就改为一星期两次」，有人并分析出除肤质外，少洗头冲凉的原因可能是「英国水费贵呀」、「天气冻系原因。更大原因系煤气费同水费贵，好多家庭都想悭钱，所以尽量唔冲凉洗头」。
资料来源：aleimama_life＠Threads
相关阅读：临老陪子女移民日日望天花板 移英港人惊觉父母顿变沉默 网民：为咩呢？好心带佢哋返香港↓↓↓↓
有为人父母的临老陪子女移民英国，却因为人生路不熟而日日留家望天花板，生活失色。一名移英港人近日发文，指惊觉父母在移民后变得沉默——「移咗英国之后，发现最难适应的，唔系天气，唔系文化，系爸爸妈妈的沉默」。面对这一声沉默的巨响，有回应的网民反问楼主：「为咩呢？」、「好心带佢哋返香港」↓↓↓↓
