中环去太子一口价$250 司机㓥客㓥正行家惨遭咁样整治 网民学到嘢：开$5000都话得｜Juicy叮
发布时间：15:01 2025-06-01 HKT
有贪心的士司机疑㓥客㓥正行家，中环去太子开出一口价250元，拒绝按的士咪表收费，结果遭到最在行的整治。网民从中学到嘢，表示日后对方即使开价5000元都一于「落叠」上车。详情见下图及下文：
中环去太子一口价$250 司机㓥客㓥正行家惨遭咁样整治逐张睇↓↓↓↓
楼主：一系起表一系去差馆
楼主5月28日在社交平台Threads上戴的士咪表相片，以「的士司机想㓥X香港人经历」为题发帖，放上一段长文讲述事件的来龙去脉：
「话说前排同朋友去中环饮完嘢就截的士走人，咁有个朋友就醉咗，的士司机望到之后就话收$250。我以为系收$250清洁费，心谂，哦，呕咗先算，咁我哋就上咗车同佢讲话去太子，之后佢又话去太子收$250。我心谂你都戆ＸＸ，跟住就唔Ｘ理Ｘ佢。之后开车碌咗几十米，佢就叫我哋俾咗钱先——
我：俾咩$250，我跟表俾钱。
的士司机：去太子系收$250，啱啱讲咗。
我：我净系会跟表俾钱。
的士司机：（又唔知系度吟吟沉沉，唔知吟乜Ｘ）
我：你一系就依家起表，一系就去差馆。
我：使唔使我帮你起表？
条Ｘ样ＸＸ下唔知点算，我自己又有揸下的士，熟晒的士点运作，谂住帮佢㩒埋起表掣。之后佢就死死气地㩒咗起表，再补一句：『你话点就点啦，你哋人多势众』。
听完之后，我都废Ｘ事再出声ＸＸ佢，因为真系好Ｘ攰。真系估唔到依家啲的士司机咁Ｘ明目张胆㓥Ｘ香港人。Ｘ你，陀地都够胆㓥，以后大家见到呢啲Ｘ街真系唔使惊，唔好落车，够胆就唔好做生意慢慢玩」。
相关阅读：恶女搭的士唔跟咪表找数 为呢个银码喝令司机减价：叫你找呀！
网民：个游戏咁样玩可以㖞 开$5000都话得
有细心的网民留意到楼主上载的相片「个表无打隧道费」，楼主回应表示「未打啫，你估的士司机会豪隧道费俾你咩」。另有人附和楼主的做法，称「其实我又觉得个游戏咁样玩ok wor（可以㖞），佢开$5000都话得，去到就话照表俾，毕竟错嘅又唔系乘客」。楼主也现身回应指：「本身系谂住咁㗎。点知佢竟然叫我俾咗钱先」。
有网民感慨地称「呢啲真系Ｘ街嚟嘅，个市都唔好，仲要Ｘ㓥客，楼主做得好」、「去太子咪又系差几十蚊，咁都要㓥，加埋双程隧道都差唔多$200啦」、「我啱啱都俾的士司机㓥完，虽然系几蚊鸡，但系都好唔gur（顺气）」。
其他行家留言讲述类似经验
事件引出行家留言，讲述自己的类似经验，当中的共同点都是被兜路后，表明自己也是行家身分，以吓窒对方的㓥客行为：
•谂起有次（葵涌）石篱摆低车，太懒坐返的士出九龙。明明转两个弯就去到上路，个的士佬兜我路行下路，仲要左兜右兜，同佢讲行上路又兜。出到九龙平时百二有得找，𠮶次行到百四几，然后找完钱个的士佬问我，「咁早返先返屋企，收工呀？」，我答返佢「系吖，啱啱的士收工摆低车吖」。个的士佬即刻极尴尬「哦哦哦系呀」，即刻门都闩唔切踩油走人。
•有次收工喺柴湾泊车，搭N118（通宵巴士）去女拔萃转的士返彩虹，佢谂住同我行弥敦道，最后我由佢兜，兜兜下同佢讲我都系揸的士，佢即刻惊咗，最后落车收平廿鸡（20元）。
相关阅读：的士「电骗党」疯传！一招以「转数快」疑呃钱 网传屯门元朗有司机中招↓↓↓↓
的士「电骗党」疯传！有的士司机今年1月15日晚上接载一名怀疑「电骗党」男子，该男子一上车竟叫司机先为他的手机「叉电」，未开车已企图透过「转数快」过车资，并要求司机找回现金，相当离奇。
声称险被骗财的司机，在「的士司机资讯网」FB专页发帖，公开事发时的车cam片，揭露疑似「电骗党」涉嫌行骗过程如下↓↓↓↓
