月入2万元中年汉当新手「穷爸爸」 网民力撑穷有穷养：我公屋长大回忆温馨｜Juicy叮

有中年网民日前在网上报喜，指太太怀有身孕，自己当上了月入2万元的「穷爸爸」。不少网民都对这位「穷爸爸」送上无限鼓励和祝福，励志地力撑「穷有穷养」，强调「我公屋长大回忆温馨」。不过也有网民泼冷水，坦言「2万真系好难搞㖞师兄」。详情见下图及下文：

月入2万元中年汉当新手「穷爸爸」逐张睇↓↓↓↓

童年穷得开心

楼主本月27日在社交平台Threads发帖，自爆「㖊日医生证实咗，我老婆有咗BB，从此我就系月入2万蚊嘅穷爸爸。以前一直唔肯生仔，因为自己贫穷带来下一代不幸，但最近系Thread见好多人话自己童年穷得开心。令我明白到，小朋友无论住公屋，定系住山顶，一样咁幸福」。

不少回应的网民落力鼓励楼主，指「2万唔算穷啦」、「两万都唔算好差，咪公一份婆一份啰」、「2万，唔穷了。10年前得万三四蚊，都做咗爸爸。好彩依家有3万蚊」。

有网民自爆「同你差唔多收入，我买咗楼，穷有穷养，加油呀」、「Ok啦，我爷𠮶阵月入1万都生咗我老豆」、「穷都可以生活得好，祝BB愉快成长，我爸爸都系养3个」。

有人更预言「话唔定小朋友出生之后成家都发奋，努力加油做个好爸爸妈妈！」；况且育儿「最重要系陪伴，小朋友最需要系呢样，玩咩都唔重要」、「穷有穷养、富有富养，重点系有没有陪伴孩子成长」、「幸福系大家都健康，一齐努力，一齐成长」、「父母的爱都好重要，钱系换唔到嘅」。

网民泼冷水：世界唔同咗

不过也有网民排队泼冷水，指楼主「自己呃自己」、「2万真系好难搞㖞师兄」、「自我安慰及欺骗状态中，祝你好运」、「现实系残酷嘅......唔可以否认教育资源......医疗支援、生活环境对一个小朋友成长有几重要」、「穷得好开心系以前无上网无ipad（平板电脑） iphone（智能手机）嘅年代，以前无得物质，宜家少啲物质都唔得」。

有人更加提醒「穷得开心系当年大家都咁穷呀」、「世界唔同咗啦，社会同时代都唔同咗。我哋以前系好开心，但系而家个社会环境咩都唔同晒！ 冇比较冇伤害」。

撑楼主网民：开心系感觉唔系物质

不过，还是有更多网民继续力撑，安慰楼主——

•恭喜你！觉得唔需要将佢哋嘅留言放喺心，首先你先系你小朋友嘅爸爸，最紧要系你自己同你老婆嘅心态系点样。穷有穷养，富有富养，但小朋友心灵上嘅满足都唔系全部depends on（取决于）钱，加油；

•年代唔同咗，今时今日穷真系好大镬㗎，不过都唔代表所有嘅，不过其他地方要做得够，俾小朋友有健康童年真系好重要；

•个天安排咗小朋友带齐行李嚟揾你，计划一下点样俾更好嘅生活佢，然后开心迎接，唔好理太多闲言闲语；

•开心系你俾佢嘅感觉唔系物质，只要好多爱，小朋友一样开心，最重要系你有几多爱俾佢；

•其实我觉得穷养冇问题， 不过记得要为自己退休著想。第日唔使仔女养就系最大嘅礼物； 

•咁讲啦，穷真系无问题，但系要花多啲时间同小朋友相处，陪伴佢成长，令佢快乐；

•我觉得俾关怀同爱，多啲鼓励少啲批评，即使冇钱，都可以创造平淡幸福嘅回忆；

•唔好听啲负面说话，嘅然上天安排咗就开心迎接，有爱嘅家庭小朋友就会幸福。

网民有感而发讲育儿观

不少网民因而有感而发，发长文讲述自己的育儿观点与价值观，更有人现身说法，讲明自己住公屋长大，穿二手校服，但都系一段好温馨嘅回忆：

•我仔出世𠮶阵，我老公得万几蚊人工，之后我选择自己凑，做FTM（Full time mother，全职妈妈）。两年后生多个女，都系自己凑。佢哋冇读N班，3岁开始读学卷免费幼稚园，小学入读地区一线津贴小学。到佢哋入咗小学，我就开始返part time（兼职），与此同时，老公人工一直有增长，期间我哋买咗私楼，小朋友读书亦名列前茅，冇补习都考过级一。到小朋友高小，我哋就移民外国，而家两夫妇揾返本行，生活轻松愉快！所以唔好因为钱，觉得俾唔到幸福小朋友。小朋友需要嘅系爱，只要一家人一齐进步，生活一定会愈来愈好！

•世上我谂只有香港咁严重咁叫人穷人唔好生仔。用几多物质去衡量呢个家庭有几快乐。当呢个家庭就算无乜物质，思维上对生活中嘅事，仍然会由心底表现得快乐时候。就有一堆人冲出嚟去话「你哋都唔够快乐，咁样生活叫快乐咩」 等等之类嘅说话。就好似睇到人哋快乐好睇唔顺眼，系都要人地「比较」去想对方觉得自己不快乐。畸形社会。

•讲真，小朋友将来系点都好讲自己际遇同能力，开唔开心都系讲同屋企人夹唔夹，好多有钱人生咗个小朋友，但无俾一个合适嘅童年生活佢地，个小朋友屋企食过世嘅钱都可以走去自杀，穷Ｘ生嘅小朋友亦唔一定将来无发展，将来都可以系个出色嘅人，有无小朋友系缘份，佢开唔开心，满唔满意你，都好睇佢用咩角度去睇嘅。

•恭喜恭喜！ 巴打终于升呢做爸爸啦！老实讲月入2万喺香港养BB都几辛苦，但正如你所讲，BB最紧要健康同埋父母嘅爱！我自己都系喺公屋长大，细个虽然冇乜钱，但系屋企人俾嘅爱真系冇得计！返学带饭盒、著学校二手校服，而家谂返都系一段好温馨嘅回忆！老豆老母咁辛苦养大我，所以做人都要努力啲，等佢哋安心！你个BB有你咁谂，已经好幸福！加油啊！做爸爸唔容易，但一定好值得！

•成日都话最紧要唔好心穷，努力啲改善生活就可以，小朋友开唔开心除咗因为经济原因，最紧要其实系个家庭气氛，爹哋妈咪关系好，每日都笑笑口迎接大家返屋企，小朋友一样可以幸福。家庭气氛唔好，俾你住到山顶，阿爸阿妈又挂住揾钱冇人理啲细路，一放咗学就对住姐姐（工人），小朋友都未必一定开心。

资料来源：smart_god_chan＠Threads

相关阅读：22岁港女何文田买1千万楼 隐形富二代「一原因」拒靠父荫：「我仍要孭15年房贷！」↓↓↓↓

22岁的港女「盈盈」2023年仍读大学四年级，但已在何文田买下一千万元的单位，更在旺角开设一间4千呎的足浴店，单装修便花了2百万元，现已有盈利。

盈盈2023底11月被网红访问，这名商科大学生年纪小小，竟然已买楼开店，迅即成为网民瞩目焦点↓↓↓↓