外卖男呻做步兵脚痛 「神行太保」自爆惊人战绩鼓励：日日5万步 行家传授减劳损秘技｜Juicy叮
发布时间：15:26 2025-05-09 HKT
有重返外卖行业的港男大呻做步兵辛苦，几乎超出体能极限，「脚痛到行唔到」。有行家于是以自己的彪炳战绩——朝11晚12日日5万步，来鼓励对方继续努力。但有人提醒各人体能不同，要量力而为，并传授减轻步兵劳损的秘技。详情见下图及下文：
外卖男呻做步兵脚痛到行唔到 「神行太保」自爆惊人战绩逐张睇↓↓↓↓
相关阅读：外卖员靠呢样「神器」 轻松企理单手拎起Ｘ袋外卖 网民看穿跷妙之处
楼主早前在facebook群组「香港外卖及速递平台综合交流群」发文大呻——「小弟不才，体力有限，重返外卖行业因为无车尝试做步兵，结果无几日就全身酸痛，今日想再上线结果脚痛到行唔到，休息半日算，真心有人真步full time（全职）？一日行10个钟？」。
网民献计善用共享单车
有网民称「做过两星期，每日2万至5万步，视乎单量多少而定，但得一次5万步，之后转踩单车，轻松好多，你都踩啦」。楼主回应指「单车送过，屋企摆唔到单车，要揾泊车位先」。于是有网民献计「共享单车可以帮到你，几时想踩，边度踩都ok ！好多人送外卖都用佢，又唔怕俾人偷」。
网民并强调「一定要工具，最少要部自行车，行不到更多，车上车落」、「有时要飞的去送餐，唔好刻薄自己」、「建议有啲搭下车，我做荃湾同天水围」。对于楼主的体力不继，网民还集气传授减劳损大法：
•你身体未惯，拉多啲筋就会好；
•除咗体力之外，一对舒服嘅鞋都好紧要；
•开工𠮶阵时用腰封，保护条腰，用护膝保护个膝头；
•师兄应该每天收工之后呢，用自己嘅方法去舒缓两只脚嘅疲劳，咁第二朝就唔会脚痛；
•装备好紧要，我著轻量嘅行山鞋，保护好对脚；夏天芭蕉扇，收工后拉筋、按摩、浸吓脚，我只系行2万步；
•其实行路，最多人忽略嘅系，就系对鞋，唔好以为波鞋软淋淋好舒服，根本香港天气路滑，好容易急急脚就容易跣倒，唔会防水。我就会拣短boot（靴）爬山鞋，最重要系防水防跣。
相关阅读：70岁婆婆将军澳做外卖步兵 买餸车送餐「做一事」超细心 网民大赞：肯定干净！
楼主意兴阑珊：打算放弃步兵了
但楼主却意兴阑珊地表示「打算放弃步兵了，等有电单车或者单车再返来玩下」。于是各大「神行太保」继续留言鼓励「6年都未投降」、「我每日行12个钟」、「基本都是5万-6万步」、「我73岁，每日3万步起跳」。另有人称：
•我真步，日日早11晚12，日日50000步＋，中间会停半个钟食饭，唔需要赞我劲，只要够穷，你都可以做到；
•小弟真步全职，平均每日10个钟，4万步左右（约30公里）。做唔到就唔好勉强，毕竟每个人嘅体质唔同，我做到唔系我叻，只系我嘅身体可以应付得嚟，攰、脚痛呢啲就难免嘅，最紧要保护好自己对脚。所以啲人话有手有脚个个都做得，其实唔系㗎，做3几日就得，长期做就因人而异。
不过，也有人提醒「好多其他工种一样会有职业病，就算做文职都一样有，最重要系拣适合自己嘅工作」、「有朋友行12，每周6天或做足，做足7年。因人而异，有人身体系唔得咁行」。
网民：体力唔好去做保安
有人认为楼主的体能「弱咗啲」，反问「宁愿做伤身体都唔想方法另找出路，香港得外卖一种工咩？」，于是有网民建议「体力唔好去做保安」。
有人连随和应，「每日两个钟真步还可以，所以佩服全职真步。利申：40岁女人」、「如果唔拎嘢慢慢行，行足全日都得，但做得就梗系想快，拎住重嘢急步行，体力会好快消耗晒，身体差啲真系会顶唔顺」、「我真步咗半年真系投降。腰到脚板底晚晚痛到瞓唔到」、「老实讲做保安好过，起码有条career path（职业路径）」、「对，有薪假，部份公司有医疗福利」。
相关阅读：南亚外卖员长沙湾疯狂掟餐 礼貌取餐后突发烂渣：「你同我玩嘢啊！」原因耐人寻味↓↓↓↓
网络早前疯传有南亚裔外卖员在长沙湾一间海南鸡店，礼貌取餐后突发烂渣，在店外疯狂掟餐，撒满一地，原因耐人寻味。现场的CCTV片在网上疯传，全过程如下↓↓↓↓
