大埔自私邻居走廊当屋企 夸张出动「软鞋柜」26只鞋坚离地｜Juicy叮
发布时间：15:28 2025-02-09 HKT
家居大门前摆鞋阵，多多少少会惹邻居讨厌。大埔便有住户在大门外夸张地摆放多达26只鞋，且出动「软鞋柜」把原本脚踏实地的鞋子变成坚离地。邻居出入日日鞋口鞋面，苦不堪言。
相关阅读：丽城花园「鞋子户」 天眼直击外卖员疑顺手牵鞋？ 「当事人」咁留言......
走廊「软鞋柜」26只鞋坚离地逐张睇 ＋ 网民掩鼻↓↓↓↓
楼主：邻居挂晒啲臭鞋喺门口
楼主早前在facebook群组「大埔 TAI PO」上载相片大呻，「如果你哋屋企隔篱住嘅人，挂晒啲臭鞋喺门口，返屋企或出门口成日有臭鞋味，你哋会点做？（太和中心）」。
相中的24格储物挂袋如窗帘般挂在大门铁闸旁的墙上，由于部分一格放两只鞋，因此多达26只不同款式的鞋插满储物袋，形成一列栋企的坚离地鞋阵。
相关阅读：门前一字排开仲唔够 「鞋子户」出动呢样神器放鞋 网民密谋笃背脊
走廊「软鞋柜」26只鞋坚离地逐张睇 ＋ 网民掩鼻↓↓↓↓
网民：邻居好自私
鉴于场面夸张，网民即时破口大骂，指「哗，好自私」、「你邻居都好自私」、「呢家人都好冇品」，于是不禁感恩，指「有好邻居都系一个福气」。
有网民建议楼主「报管理处」、「通知管理处要求不要放鞋在屋外」；有和事佬侧以睦邻为主，称「同呢家人有无两句㗎？温馨提示下佢加块布挡一挡啲味？唔合作先Report（报告）管理处，费事以后面阻阻？」、「如果提议邻居加块胶布冚住啲鞋会比较好」。
有人相当体谅楼主的苦况，表示
•「识玩。离地挂」、
•「真当走廊系佢屋企」、
•「出入都要闻臭鞋味」、
•「放下半都差，仲要放到高过人？」、
•「摆地下都算，仲要挂到咁高晒咸鱼咁」、
•「排地下都OK，Eye level（视线高度）就......」、
•「都真系几呕心，挂上系即系啲鞋完全对住行过人块面㖞」、
•「我接受除一对喺地下，咁样兜口兜面真系接受唔到，佢咁多皮Boots（靴），帮佢喷下火酒消消毒」。
楼主也和应，指「挂嘅高度，真系块面一柠过去就索晒」。
相关阅读：公屋「好邻居」挂八卦兼举报富户 网民惊爆更震撼阵法：香艳ＸＸ左右开弓
走廊「软鞋柜」26只鞋坚离地逐张睇 ＋ 网民掩鼻↓↓↓↓
网民：有风吹晒鞋底啲菌入屋
有网民从衞生角度去分析，指「边个一打开门有风就吹晒鞋底啲尘呀菌呀去晒屋度」、「大风啲一吹，成条巷好臭」、「真心问换鞋赤脚出门口著鞋？」，于是直接问楼主：「住你对面位邻居你系咪同佢有仇」。
有人接著指，「睇嚟佢自认为系个不错的收纳方法」，并向楼主教路「喺门口装个自动空气清新器要有红外线感应𠮶种」；另有人笑言「人哋准备定年尾圣诞节挂只鞋收礼物，你咪做下圣诞老人每只鞋放啲礼物落去啰」，或「在自己门口挂上穿了数天都没洗的臭袜」。
相关阅读：将军澳豪宅户嫌太嘈 倒两桶水落街淋搬屋邻居？ 泼水原因另有说法......
