璀璨之城丨陈滢封口唔回应JW秘婚 认土耳其旅行冇做花女 蒋祖曼避谈唐宁合约官司
更新时间：21:45 2026-10-08 HKT
发布时间：21:45 2026-10-08 HKT
发布时间：21:45 2026-10-08 HKT
字体大小
陈滢和蒋祖曼今日出席主演台庆剧《璀璨之城》宣传活动，提到早前《东周刊》独家爆JW王灏儿去年11月秘嫁富贵足球队班主兼音乐界猛人王至尊。身为JW好友的陈滢表示：「人哋嘅嘢唔答！」她表示去年自费到土耳其旅行，但无跟JW一齐去，亦冇参加婚礼。当追问有冇做花女？她说：「我上年冇做花女。（参加婚礼？）我上年去过几个婚礼，即系好多婚礼都系朋友嘅，去到呢个岁数肯定好多婚礼去啦。」
陈滢好耐冇见JW
谈到最近可有跟JW见面，她表示好耐冇见对方，但今年JW五月生日有为对方庆祝。问到可知JW结婚？她说：「关于其他人嘅嘢我唔答。」
陈滢与张智霖挑逗戏惊冇人娶
而在该剧跟张智霖多对手戏的陈滢，透露跟对方其中有场挑逗戏。她笑说：「大胆到我少少觉得话，会唔会冇人娶我呀？不过之后监制就话：『就系因为咁样，先至有人娶你呀！』因为话咁样先至好睇，先至更加想追你。」谈到对这场挑逗戏是否感到满意？她说：「我觉得可以，永远有进步空间嘅，因为我未试过拍。」谈到可有被张智霖的气场吓亲，陈滢表示冇吓到，反而好期待，因为好难得有机会同多位演员一齐演出，今次可以跟张智霖合作是一个非常开心的经历。
蒋祖曼被张智霖言语暴力
同场出席的蒋祖曼，表示跟张智霖有对手戏，戏中被对方好多言语暴力，又笑言未有性感演出，而是包到好密实。提到现居于纽西兰的好友唐宁，最近与经理人发生合约官司纠纷，蒋祖曼表示：「人哋啲嘢我唔答啦！」问到可有关心唐宁，她表示有，平时都有联络。谈到唐宁有官司在身，可有跟她分享？「人地嘅事就唔多讲啦。」问到可会到纽西兰探望唐宁，她表示如果有机会去，但对方有时都会返港。
最Hit
