Coffee林芊妤揭童年阴影被家人贴「低能」标签：觉得我冇得救爆兰桂坊「跪街」真相

更新时间：14:29 2026-10-03 HKT
发布时间：14:29 2026-10-03 HKT

「瑜伽达人」林芊妤（Coffee）于2018年与圈外人翟志荣结婚，诞下大仔翟德彦（彦彦）及细女翟允儿后，一直努力兼顾家庭与事业。她不但荣升百万YouTuber，成为香港最吸金的KOL，更创立自家品牌，曾透露品牌至今已累计投资近8位数字。

Coffee童年遭标签「冇得救」

近日林芊妤接受方健仪的YouTube节目《女人方言》访问，揭开幸福背后的辛酸。她坦言：「其实我成个小朋友嘅时期已经系好苦，由细到大都读唔到书，屋企人觉得我系低能、觉得我冇得救，搞到我畀咗好多标签自己。」

林芊妤出身于福建家庭，小时候从内地来港生活，一家人曾挤在百多呎的公屋单位，同住的还有祖父母和姑姐。由于家庭极度重男轻女，她形容自己犹如「妹仔」：「我哋屋企唔系有钱，由细到大喺福建人家庭长大，屋企好重男轻女，所以我由细到大都系一个妹仔。所以入到TVB嘅时候，我习惯性将自己睇到好低。𠮶阵好容易陷咗入一种『唔想去擦鞋』嘅心态，因为我唔想畀人觉得我擦鞋，所以我唔会主动同监制讲嘢。因为阶级观念，我将自己摆得太低，唔肯去接触上面嘅人，有呢种自卑，觉得自己永远都系喺下面。」

Coffee父亲藤条逼书留班惯性服务哥哥

林芊妤回忆，父母因工作忙碌而疏于管教，加上自己「未开窍」，难以适应父亲的严厉管教：「我爸爸用藤条去逼我读书𠮶个方法，我就接受唔到啰。我二年班已经留班喇，全级考最尾。我真系记唔到任何嘢入脑，然后我爸爸又放弃我，即系同我妈讲：『算啦，呢个冇得救㗎喇。由佢啦。』咁后尾佢哋就冇再逼我。但我由细到大屋企人都觉得呢个女好蠢、唔得、冇乜脑，第时就要嫁人，做普通嘢，做唔到大事。而我细细个就知道自己嘅地位，惯性知道我要服务我哥哥，帮佢洗嘢、拎鞋。」

凭母爱走出迷惘 TVB时期曾焦虑至胃出血

事业有成的她，至今仍未能完全放松，笑言自己是「妹仔命」：「好多人觉得你而家赚到钱、有自己事业，应该过住好舒服嘅生活，但我偏偏系人哋所讲嘅『妹仔命』，我系觉得唔得，我一定要执、我一定要整，停唔到落嚟。」她坦言，儿子的出现改变了她的一生：「喺未有小朋友之前，我觉得人生系迷惘嘅。我以为冇一种爱可以超越对父母嘅爱，但直到有咗自己小朋友，你发现原来有一种爱系超越埋自己。即系你会觉得，只要佢OK，我就OK，我可以牺牲所有嘢去满足佢，呢种母爱系我以前未接触过嘅，亦成为咗我嘅动力。」

回想在TVB工作期间，她因压力大而身体崩溃，几乎每星期都要看医生：「成日伤风感冒，有时胃炎、胃出血，最大问题系失眠，我差唔多晚晚都瞓唔到。瞓得到觉就系好忙、冇时间瞓嘅时候；到真系放假可以休息，又会担心自己冇价值，怀疑自己系咪做得唔够好，变相身体越嚟越差。」

Coffee坦然面对昔日负面新闻：怪自己蠢

入行多年经历过不少风波，林芊妤直言当时因为太年轻而犯错：「好多嘢我都唔识处理，或者会听咗身边人讲，好容易受人影响。当事情发生，有好多唔知信唔信得过嘅声音出现，我就好乱。喺好急嘅时候，我就不停做错决定。而家谂返，如果由而家嘅我处理，件事根本唔会闹到咁大。喺呢件事上面，我冇怪过任何人，怪嘅系自己蠢、唔识handle，而唔系怪人哋点对我。不过，我觉得呢个经历系必须嘅，系人生需要面对嘅教训，经历过后，我就可以更加成熟去行之后嘅路。」

Coffee揭「跪求原谅」真相叹被贴「港女」标签

访问中，她亦主动澄清当年与老公（当时为男友）在兰桂坊一幕「跪街」新闻的真相。当时两人发生口角，她气得想离开，却被传媒描绘成「港女」发难：「𠮶阵我同我老公啱啱一齐，有次同佢同埋佢啲朋友去酒吧饮嘢，我老公饮多咗。佢有个好朋友系鬼佬，我哋倾偈，完全冇任何肢体接触。但我老公突然之间jealous（呷醋），话：『你得啦，去倾啦！』跟住喺隔离不停讲埋呢啲嘢。我觉得烦想走，就喺中环走人，佢追出嚟拉住我、唔畀我走。突然之间……我就同佢讲：『你可唔好喺条街度咁样？』因为𠮶阵仲有好多年青狗仔队，我唔想无啦啦畀人摆上新闻。我就同佢讲：『我求下你啦，你可唔可以起身啊，我求下你啦！』跟住佢一直单脚跪喺地下，真系畀人影到。𠮶阵杂志封面话我『港女』，话Coffee贪慕虚荣、公主癌、不可理喻。但你听返成件事就知，其实不论发生咩事，传媒都会将呢个『港女』人设摆喺我身上。」