何沛珈《女神2》寻真爱 阮浩棕讲感情状况好唏嘘 36岁经济一般跟家人同住：其实几羞家
发布时间：19:30 2026-09-24 HKT
出身演艺世家，顶著「星三代」光环入行的阮浩棕，背后的辛酸却鲜为人知。入行初期演技稚嫩，天天被导演痛骂「唔识做戏」，更因嫲嫲是梁舜燕而被贴上「上等孙」的标签，令他一度非常介怀。阮浩棕坦言如今回望已学会释怀：「嫲嫲走咗，个人真系成长咗。慢慢觉得呢啲称号，至少有机会畀人认识我嘅一个原因，但自己需要做得好先得，唔需要再介怀呢个身分。」 历经蜕变，他终在2024年勇夺「飞跃进步男艺员」。
阮浩棕赢飞跃男艺人遗憾嫲嫲未能看见
阮浩棕父亲阮惠源是著名制作人，但他坚持考训练班由跑龙套做起。提起嫲嫲梁舜燕，他哽咽忆述昔日唯一合作《EU超时任务》时的温馨画面：「我仲好记得去到围村入面，嫲嫲见到当地居民会同佢哋讲：『呢个系我孙仔嚟㗎！我亲孙啊，好叻仔㗎！记得支持佢！』嫲嫲会咁样做，所以系好难忘，亦都好珍惜呢个机会。」 遗憾的是，嫲嫲未能亲眼见证他得奖：「人生就系美中不足，我冇办法畀佢亲眼睇到我嘅成绩，但我相信佢喺另一个世界睇到。」
相关阅读：阮浩棕何沛珈恋情正式告终？与另一上位小花奉旨「拍拖」 梳化依偎、肉紧接吻加壁咚吸CP粉
阮浩棕内地冇工开靠父亲暗中帮忙
阮浩棕的演艺之路并非一帆风顺，他曾在2017年离巢往内地发展，见识到天外有天的同时，更经历了长达半年的「零工作」低潮，「好彩之后上北京，有其他导演揾我畀个角色我做。」但原来这些的机会是父亲暗中出手帮忙，这段低谷不仅没有浇熄他对演戏的热情，反而让两父子关系破冰：「细个某程度上系有啲惊爸爸，因为佢好容易发脾气闹人，唔识点样去表达对我哋嘅爱。我真系去到同佢一齐生活，了解咗佢好多，关系先至变得更好。」 经历过低潮，他更清楚自己一生只想当个演员：「我知道我好需要去演戏，释放自己里面嘅能量出嚟，最近未有得拍剧，原来我压抑咗好多好辛苦嘅感觉。」
阮浩棕自认钢铁直男现时单身
在事业上渐入佳境的他，感情生活同样成为全城热话。阮浩棕与「东张女神」何沛珈传因2023年合作拍摄剧集《异空感应》而擦出爱火，地下情传足两年，却惊传已于去年尾和平分手，结束两年情。 何沛珈最近加入TVB恋爱真人骚《女神配对计划2》寻找真爱，阮浩棕谈到昔日的感情生活：「我唔识追女仔，真系好渣、垃圾呀！我系钢铁直男嚟，完全唔识花招。如果我自己身边有对的人出现，我会欢喜；但如果无，我同自己拍拖都好开心，咪过好自己、随缘啦！」
阮浩棕未能自立感到羞愧
即将踏入36岁的阮浩棕不讳言自己依然与家人同住，经济上亦未算完全无负担：「如果我要自立出嚟住嘅话，我嘅经济能力上面系咪完全可以毫无负担，又好似真系未系，其实都几羞家，所以屋企人都唔会畀压力我，因为佢哋知我实际情况。」 戏外实事求是，戏里凭实力发光，阮浩棕坚信「学做戏，先学做人」：「我唔系𠮶种好Sociable嘅人，喺戏外要成为大家嘅焦点，反而我想大家透过我嘅作品演出认识我，我只系想做好一个演员。」
相关阅读：何沛珈甩拖后继续大解放 化身美人鱼泳池边荡漾晒身材 网民：令人好有冲动
