《造星IV》WinWin患罕见病切18cm肺部细谈8小时恐怖手术：冇全身麻醉向友人交代遗言

更新时间：14:55 2026-03-08 HKT
发布时间：14:55 2026-03-08 HKT

《全民造星IV》出身的杨安妮（WinWin）日前在ViuTV节目《晚吹－怨女俱乐部》中透露，自己患有先天性肺动静脉瘤，曾被医生断言30岁时，随时有中风风险。WinWin昨晚（7日）在社交平台公开一条约3分钟的影片，详细受罕见恶疾纠缠长达十年的经历，以及康复过程。

WinWin在家中呕血

WinWin在影片开始便以手势示意：「我冇咗咁大个肺，足足18cm。」WinWin忆起当年第一次在家中呕血，已有最坏打算：「我已经问定医生，我最worst嘅死法系点样？」WinWin指最差的情况，会被血液浸住个肺窒息致死。WinWin晒出在医院的照片，无奈说：「我直头同自己讲，你唔好死，因为你仲有好多嘢未做。杨安妮，你千祈唔可以死住。」

现年只有29岁的WinWin直言不明白自己年纪轻轻，为何要经历生病，但亦因病情令她的意志力、坚持及心理上，觉得世间上所有事对她而言已很简单。WinWin指自己的「先天性肺动静脉瘤」，在世界上甚少病侧：「我个肺入面嘅血管系畸形嘅，动脉嘅血同静脉嘅血系会流埋一齐，导致嘅后果，就系我由细到大嘅血含氧量极低。正常人应该系95至100，我得86。」

WinWin有中风风险

WinWin指自己至今已生存近30年，又一直有做运动，虽然有中风风险：「成间医院嘅姑娘都震惊，点解我仲会生勾勾喺到，仲要唔使闻氧气。」WinWin提到第一次做手术时只有22岁，当时医生要将金属螺丝粒放入其血管做阻塞，令血液不会乱流：「有八个窿，一个窿要做一个钟，所以我total做咗八个钟。重点系我冇全身麻醉，有条管喺大髀内侧直上，跟住你会feel到八个钟支嘢系肺到系咁撩，好痛苦，我直头有走马灯。」

到27岁时WinWin曾在家中晕倒：「𠮶次已经系一个先兆，再过多几个月，咳咗啲血，瞓唔到觉，因为我一瞓低啲血就涌上嚟。」在医生建议下切除肺部，由于她仍有工作而推迟：「情况就每况愈下，之后直头唔止咳血，系呕啲血出嚟。我系咪黐咗线，而家我一定惊到死，我真系有一日呕血呕到死咗。」WinWin更向朋友说遗言。

WinWin揾名医治疗

为确保手术万无一失，WinWin揾名医出手，却为免家人担心，而在第二次入医院做手术时，自己一个人承担：「今次做完手术之后，先系我人生最痛苦。一出到手术室𠮶下，我完全抖唔到气，个呼吸净系喺呢度，你又唔可以大力呼吸，因为你大力呼吸嘅时候，你嘅伤口、你全身会好痛。你系完全控制唔到自己，你会觉得人生点解要经历呢啲咁嘅嘢。」

相关阅读：WinWin坦认年中已跟KC分手传男方偷食日本妹怒斩6年情冇否认

WinWin举例只是简单落床去厕所，已经喘晒气，返家后的她连晾衣都会扯亲，又会被自的肺入面的气泡声嘈醒：「我喺屋企自制咗张病床，成个礼拜坐喺度瞓。肺入面啲气泡，系咁『咕噜咕噜咕噜』咗成个月，我完全瞓唔到觉。」