关嘉敏情路坎坷屡遇渣男 真人骚觅爱坚持宁缺勿滥丨独家
发布时间：07:00 2025-07-28 HKT
参加恋爱真人骚《女神配对计划》的关嘉敏（Carman），面对3位追求者「星二代」姜卓文（细John）、年薪过200万的投资银行家黄家俊（Matthew）及兰桂坊摄影达人刘荣业（Andy）举棋不定。30岁曾拍过5次拖的Carman，由堕入三角地狱初恋，到遇到圈中渣男旧爱，透过两段血泪情史，令Carman创伤觉醒，坚持唔要花心靓仔及复杂的圈中人。 采访：方骞平 摄影：林宾尼 场地：弥敦左岸
关嘉敏在节目中审慎观察追求者，直认细John属心仪类型：「感情要了解先知啱唔啱」，但星二代背景触动阴影：「唯一佢系圈中人，我有啲恐惧症。」Carman大赞Matthew谈吐令人舒服，却强调：「有经济能力唔会加分。」她直言在节目中寻找合适男友甚难：「就算有feel都要经过了解及沟通啦，唔系三言两语就拣到。」她指观众比她更著急：「𠵱家喺街上好多人会对我讲：『畀心机出啲力呀！但记得宁缺莫滥。』佢哋个个好似变咗妈咪咁，不停鼓励叫我加油。」
初恋男踏两船伤透心
被封为女神的Carman，然而情路上却多次遭遇背叛，经历坎坷，尤其被初恋伤透，令她无辜成为「第三者」，充满痛苦回忆，她说：「18岁初恋，男友系混血儿靓仔，原来当时男友与前度关系仍未断清，佢前度知道我嘅存在，我反而被蒙在鼓里，因此无辜被攻击。好记拍拖4个月时一齐过圣诞节，初恋男友谎称去踢波，原来约会前度食圣诞大餐兼送礼物，情敌就喺fb度tag我晒佢哋合照同礼物相。」后来她竟选择原谅，结果3人纠缠长达两年：「我哋试过当街大吵大闹，最离谱系，佢前度仲不停传淫照及暧昧留言嚟刷存在感，令我考DSE前夕崩溃大喊，最后更发现男友私藏好多佢嘅嘢，hurt得真我系太深刻啦，打后两年都唔敢拍拖，对靓仔留有阴影，好怕佢哋好花心。」
情伤烙印变节日杀手
除了初恋外，跟某位圈中渣男艺人的恋情同样令她心碎。虽然她并冇开名指证渣男旧爱是谁，但按过去历史，她和前天堂鸟成员叶泓声（Gordon）再见亦是朋友；除他之外，4年前传过Carman暗挞「造星仔」陈宗泽（CY）。Carman伤心道：「佢喺我生日当日大发脾气唔肯影相，对我屋企人态度好差，最后仲嬲到走咗。」此举令父母极度心痛：「我未见过双亲咁嬲，佢哋不满话『佢当你系乜呀？佢唔会对你好㗎㖞，你唔觉得似凑仔咩？』见父母咁唔开心我都好痛心，几日后决定分手。」更不堪的是，「后来知佢背住我多次出轨，因为分手后啲女仔陆续出嚟讲真相，甚至同我道歉，原来两年间佢背住我『食』得几多嘅，我唔系精明嘅人，唔会怀疑人。所以惊咗，太复杂嘅行内人唔系拍拖首选。」
靠自己拒嫁笋盘「上岸」
Carman坚持要物色一位思想一致，肯支持她追梦的对象：「我择偶不嬲唔会睇钱，系父母灌输嘅观念，教我如果钟意𠮶个人，就算一齐揾都系开心，正系父母嘅亲身经历，主要系睇有冇上进心。」她自爆曾获一位年长7岁的商人猛烈追求，对方攻势包括「每日会送99枝花，送足一星期」及送上小礼物，送到连她妈妈都惊呼「又嚟？」。虽然被视为可让她「上岸」的「笋盘」，但她因价值观不合而婉拒：「我feel到佢唔想我抛头露面，想养起我。」对此她非常抗拒：「其实都冇嘢衰得过初出道时（户口剩8毫子）状态啦，我真系唔想日日都冇嘢做，冇机会追梦，加上我最接受唔到我另一半唔支持我做呢行，我会好唔舒服，就算放弃笋盘都冇后悔。」
