WinWin杨安妮爆前度贱男真面目︰约埋小三同枱食饭 网民矛头直指KC黄家灏
发布时间：14:45 2025-03-31 HKT
《造星IV》的杨安妮（WinWin）在未入行前与《造星V》亚军黄家灏（KC）拍拖，发展到同居关系，不过去年女方怒斩6年情，及后，《星岛头条》独家爆KC在日本练舞期间「偷食」双方共同认识的日籍女生Kinari；当记者向WinWin展示KC疑似偷食的相片，女方的反应亦非常错愕。日前，WinWin为超酸与阿杰主持的「机动电视台」节目《超杰出聊天室》担任嘉宾，当中大谈「最深刻的失恋经历」，WinWin爆出前度的渣男行为，虽然没有公开名字，但网民都猜测所形容的就是KC 。
WinWin输了感情
WinWin透露这次是最深刻的失恋经历，令她3日3夜没有吃东西，她表示︰「我发现佢出轨，跟住佢仲要带埋我去同𠮶个女仔一齐食饭！我一直知道佢同紧一个女仔倾偈，仲要带我去我最钟意𠮶间餐厅度食饭，系好核突啰！之后发现一啲蛛丝马迹，原来早几星期前，就类似……一齐食饭，三个一齐出去玩，佢哋喺我面前FaceTime……类似嘅事情。」WinWin 续指前男友的后续处理手法很错，对方不肯承认自己「出轨」，甚至爆出多句反令她的心寒「金句」，当时前男友说︰「系我哋之间有问题所以先分手」、「你唔好赖落我同个女仔度啦！我哋已经冇以前细个一齐时咁好玩，你个人越来越认真，个女仔好支持我任何嘢」；而令WinWin最深刻的一句就是︰「个女仔带到畀我嘅开心，系你带唔到！」
相关文章︰独家报道丨《造星》KC WinWin 6年情告终 「偷食相」流出孖新欢着情侣鞋同游日本 旧爱闻言错愕眼红红
WinWin感委屈拒绝进食
WinWin当时自动消失了1星期，3日3夜没吃东西，更会哭醒及尖叫醒，她表示最伤心不是分开而是感到很委屈，「好似搞唔清一件事，然后你又唔道歉，又或者点解我同你一齐咗咁耐，原来最尾可以因为一个啱啱认识嘅女仔……（阿杰︰抹煞晒所有嘢）。」而在消失的1星期期间，男方完全没有找过她，1个星期后WinWin再出现，前男友竟说出心寒的一句︰「其实你唔谂埋一边嘅话，我哋系可以继续做朋友个㖞！你点解要咁唔开心啫！」
