姜文杰多留港工作珍惜跟宠物相处时间 太太李泳淇拍广告忆病逝爱犬爆喊丨独家
发布时间：08:00 2025-02-12 HKT
姜文杰（Benji）太太李泳淇（Rain）早前接拍宠物保险广告，演技备受赞赏，日前两夫妻带同爱犬Nana受访，Benji也赞Rain做得好，更透露因1年前爱犬Peanut突病逝，令他们伤心欲绝，Rain演出时亦忆起跟Peanut相处点滴。Peanut亦教识他们要及时去爱，Benji会多留港工作珍惜跟Nana相处时刻。采访：杜杜 摄影：朱伟彦
Benji自小已爱跟宠物相处，由叔叔尔冬升的家到父母家都有养狗，「细个时叔叔养咗5只不同品种嘅狗，喺温哥华时爸爸妈妈就养咗澳洲爹利Bobby同佢个仔Momo。」Bobby和Momo由Benji 10岁开始陪着他成长，亦是他首次见证宠物在眼前离世一刻，「Bobby 17岁先走，𠮶时我爸爸唔喺加拿大，佢好乖，已经瞓喺度唔食嘢唔去厕所，等埋我爸爸坐飞机返嚟，一摸佢吐咗最后一啖气走，后尾Momo有心脏病，12、13岁喺我只上病发走，我第1次感受到屋企人走嘅震憾！」
爱犬帮手拣老婆
Benji返港发展后，主要在金鱼街揾宠物， 曾养过鱼、战斗甲虫，乌龟和蝎子等，但因不懂技巧失败居多，直到30岁时遇上Peanut，「朋友只芝娃娃生咗几只BB，畀咗一对仔女我，仔就系Peanut，女畀Lesley（姜丽文）养嘅Jellybean。」Peanut是Benji首个「亲生仔」锡到浓，开工亦会偷偷带在身边，拣老婆似乎亦爱牠影响，「𠮶时都有拍吓拖，佢都冇当妈咪，直至到识到Rain，佢好似㨂定咗妈咪咁，同佢感情好好，会好黐佢好听佢话，仲好似开始变咗心，听佢话多过听我。」而他们婚后Rain带埋她养的Nana，「一家四口」生活。
Peanut在10岁时开始失明，2年后更突然病逝令Benji和Rain好伤心，早前Rain拍广告时自然投入角色，「睇故事大纲已经眼湿湿，𠮶时啱啱Peanut走咗1年，拍时当然谂起佢就好自然喊，一齐真系太耐，朝见口晚见面又一齐瞓，屋企人一样。」Peanut走后令他们更珍惜跟Nana相处日子，Benji说：「个广告都讲得好啱，唔想再有遗憾，我除咗耳仔因压力有少少问题，加上Nana都13岁想陪佢同锡佢多啲，拣工作都宁愿留喺香港，唔想离开佢哋咁多。」
