人生第一次去旅行 | 泰国

眼睛去旅行

旅游网志作者|每一个旅程, 都总藏著不同的"秘密"

2022-03-29 07:30 HKT

阅讀更多

生活专栏

內容

因为疫情关系，已经有两年无出走过喇......唔知大家又等咗几耐呢？无得出走大家都好辛苦，完全可以话系觉得生无可恋。越想出走就越谂起以前快乐嘅时光，一堆堆嘅画面同回忆突然返哂嚟，唔同嘅地方、唔同嘅旅伴、唔同嘅经历、唔同嘅感受，真系太多太多......

不过做人又点可以咁灰呢？！唔可以将自己俾负面情绪笼罩住架嘛，系咪？！

小编做人比较阿Q，唔俾出走咪唯有回忆一下，至少可以令自己记起一啲开心嘅时光 (当然系选择性啦，如果大家系都要去记一啲唔开心嘅经历咁小编都无办法)。

记忆中泰国应该系小编第一个旅游嘅地方 (相信好多人同我一样)，虽然无办法谂起太多，但至少有2个地方系印象比较深刻，第一个就系湄南河。记得𠮶阵时嘅观光船边有依家咁靓咁安全吖，感觉好唔稳阵，所以小心翼翼上船后完全唔敢郁，真系好惊佢会反。乘船途中睇下周围嘅景色，感觉呢个地方好朴素好宁静，啲屋就喺条河嘅河边，有几级楼梯，当地人就喺尼条"泥黄色"嘅河水度洗衫同玩水。

当架船去到某一个位就停低咗，之后开始有啲售卖商品嘅船驳埋黎，有水果、食品、饮品、饰物、花......好多唔同种类。船上大多数人都系买面包用嚟喂河入面嘅鱼，一放旧面包落去，原本平静嘅泥黄色水面即刻出现好多非常大条嘅黑色鱼 (啲鱼大到小编有啲惊)，啲鱼加埋泥黄色水喺度不停郁动，若隐若现。后来发现影低呢一刻嘅相，出嚟嘅相竟然变哂好似云石相一样，不过都唔紧要，因为记忆会永远留喺脑海。呢个就系小编对湄南河嘅记忆，唔知大家又有无谂起啲咩呢？

#泰国 #湄南河 #旅游 #回忆 #泰国游 #经历分享