无花市唔紧要！英国超市买年花

UK_nottsMama

移英港妈生活分享

2022-01-27 09:34 HKT

阅讀更多

生活专栏

內容

不经不觉，仲有一个星期就过农历年，虽然人在英国，应该唔多人来拜年，但传统习俗要保持，点都要买番盆靓花摆吓应节。无花墟无花市唔紧要，英国有包罗万有的超市！基本上超市都有花卖，Tesco、Sainsbury、Lidl、Waitrose等总有一角卖花，普通买一扎花插下又得，不过呢个1月，市面最多的系好有过年气氛的兰花和水仙，连 IKEA 同 Marks & Spencer 都见到佢哋踪影，当然是年花首选。

兰花有大瓣同细瓣，颜色以白色、紫色、桃红色、粉红色的蝴蝶兰为多，价钱平至 6 镑左右已经有一盆，仲要连埋个靓盆，真系好抵！我在 Waitrose 买了盆，仲好贴心有埋标签教你几耐淋几多水、放几多温度室温最佳，甚至花谢之后，可以点样令佢再开花。

香港的水仙以白色为主，是一个个水仙球水种，在英国见到最多的却是呢款 Daffodils黄色水仙。在超市甚至可以见到一扎扎未开花的售卖，唔知仲以为系韮菜花。Daffodils 在英国有新开始、幸运的喻意，不过记得要一扎扎买，因为单枝反而有恶运的反效果。呢种水仙可以泥种，亦可以就咁插在花瓶中水养，好似一般插花般处理就得，真系好简单。呢种 Daffodils 价钱好平，一扎只系 1 镑左右，不过比起香港的水仙清香扑鼻，呢款黄水仙原来系无花香味，稍为可惜。在 Marks & Spencer 亦见到一扎扎同一盆盆开咗花的售卖，唔使惊开唔切花。朋友在 Tesco 亦见到有银柳卖，配埋其他超市靓花，要插盆有新年气氛的年花无难度。