Never say never! 英国扑靓萝卜，自己年糕自己整
移英港妈生活分享
2022-01-30 09:04 HKT
字體大小
从前做饮食记者，新年真系唔忧无靓糕食，萝卜糕芋头糕年糕数之不尽，因此根本无想过亦无需要自己整糕。今次真系 never say never，来到 Nottingham，外头基本上无咩地方有年糕卖，新年想食糕，就要靠自己动手了。
英国一般超市都有白萝卜卖，他们称之为 Mooli，估计都系欧洲入口，不过大部分都系长条奀瘦型，用途多系作沙律，朋友买过用来整萝卜糕，觉得纤维比较高，唔够幼滑，味道稍逊。临近新年，街坊好友都纷纷赶住入手肥美大萝卜，除了中超、食材店容易找到呢啲靓仔货色，在印度食品杂货店亦可以见到。价钱方面都几参差，中超的大只靓仔，朋友买过合共 4 斤重，售 7.8 英镑﹔细条啲的有超市卖 1.99 英镑 3 条﹔我在食材店买的则是均一价 1.99 英镑一条，入手两条中大型萝卜合共 3.98 镑，价钱合理，做两底左右啱啱好。
有萝卜，仲要有最强绿叶虾米、瑶柱同腊肠，前两者随家当早有寄来，货源充足，腊肠选择真系乏善足陈，唔好谂有多种唔同肥瘦比例选择，基本上品牌都只有三两个，当中我觉得聚德的腊肠肥瘦度唔错，目测肥瘦比例似 4︰6，8 条共 360g 卖 9.8 镑，价钱唔算贵，食得过。
年廿六开工做糕，白萝卜质素唔错，水份够，刨时已经闻到萝卜香。我哋唔钟意太实身，主要只下粘米粉 (中超有售) 和调味，首次操刀，成品都唔错，煎起上来唔太散，有萝卜味、软滑，吃起来是住家的味道。
自己整萝卜糕的同时，我都帮衬了朋友的英国团购年糕组合，由移英港人炮制，萝卜糕 + 椰香年糕才 16.8 英镑，每盒有 900g，真系香港一底糕都已经系呢个价。不过，呢款未开封试食，食评有机会再同大家分享。
最Hit
观塘夜市开锣！一连17日免费入场 设30美食摊位 台湾夜市摊贩参展 必试铁板鱿鱼/大肠包小肠（附地址/开放时间）
2025-11-11 15:28 HKT
地域强者 全球挑战 首个获「M」品牌认可电竞赛事BLAST Premier Rivals 8支参赛战队揭晓
2025-11-12 00:00 HKT
繁忙时间港铁车厢必现「集体行为」！？车长开咪仍无效阻止 网民怒批：可唔可以俾返少少公德心
2025-11-11 09:00 HKT
健康PRO｜成人奶粉变健康陷阱 专家教你点拣真健康奶粉
2025-11-11 16:42 HKT
