KellyChu - 8‧22开打 全力以赴「冲金」 全运会保龄球群众赛 退役港将「出山」 | Executive日记
KellyChu
2025-08-12 02:00 HKT
字體大小
俗语有云：「七年之痒」，正是几名前港队保龄球队成员嘅心声。时隔7年，佢哋再披战衣，重返赛场，有讲有笑，为参加全运会而感到兴奋，Kelly就知道佢哋系由衷热爱保龄球。今届全运会初次举办嘅保龄球群众比赛，香港派出9位退役港队同1位现役青年队成员参赛，将于本月22至24日喺启德体育园保龄球中心正式开打。成员如今有新身份，正职之余要抽时间练习，但记起昔日美好回忆，依然希望能够夺冠，踏上颁奖台，相当热血！
时过境迁，各成员如今纷纷有新身份，有人升级做父母，有人转换跑道，但凭借昔日对保龄球嘅热爱，毅然决定重返球场，于95支队伍中脱颖而出。退役多年，身体状况大不如前，要发挥以往十成功力都唔容易，为咗揾番手感，队员每个礼拜练习两次。不过前港队代表甘兆麟同李咏茵坦言大家身兼数职，要专注练习，实在有啲难度。
除咗身体变化，身份上嘅转变亦要时间适应。卸下港队之名，各人事事要亲力亲为，但甘兆麟同李咏茵就觉得以前背负港队身份，比赛压力好大，如今身份转变，反而感受到唔同角色嘅支持，反映群众赛事嘅重要性。佢哋仲话，即使只系讲句加油，喺社交媒体转发比赛消息，都系一种打气同鼓舞，令佢哋更加投入比赛。
你话佢哋仲想赢？系啊！李咏茵直言「想攞金牌」，踏上颁奖台。而甘兆麟亦点名想同辽宁省选手王智勇切磋，话以前与同为正手球员王智勇交过手，知道对方有料。不过计Kelly话，无论最后有无奖牌，佢哋付诸行动，重拾自己热爱嘅运动𠮶下已经赢咗，等我哋一齐为香港健儿打气啦！
KellyChu
最Hit
港妈兼职意外曝光「职业粉丝」价目表 时薪$60只是入门价？斋坐都收3位数 原来入行要先「交功课」｜Juicy叮
2025-11-16 13:00 HKT
运动会射箭表演恐怖意外 女生遭射穿面部
2025-11-15 12:34 HKT
更多文章
