KellyChu - 山顶花园吊钟花盛开 | Executive日记
KellyChu
2025-02-21 02:00 HKT
字體大小
春临大地，最近香港各处陆续睇到有唔同嘅花朵绽放，为城市增添迷人色彩，赏心悦目。除咗大家都知道嘅沙田和东涌可以赏樱，中区半山同埋大埔更有吊钟花、郁金香田缤纷盛开，趁花期去打卡喇！
康文署「赏花速递」消息介绍，吊钟花嘅花期系1月至3月，一般喺农历新年前后开花，绽放时大家会欣赏到满树绯红嘅美景，仲建议大家可以去香港动植物公园（喷水池平台花园）同埋山顶花园（同乐径）睇真啲。要爱惜花儿，赏花时切记好好保护佢哋。
另一边喺新界东部嘅郁金香也绚烂如画。有读者报料，指位于大埔金鹭湖餐厅（Lake House）内由25000朵郁金香形成嘅花田正盛开灿烂，在此正好拍摄到花海、湖泊与铁道同框，喺香港亦似置身充满异地风情嘅国度，非常浪漫！不过入场系需要报名㗎，有兴趣前往欣赏花海嘅读者，可以自行向Lake House查询喇。
KellyChu
更多文章
