KellyChu - 「苦」中作乐﹕可能咖喱失收 微辛咖喱味「丁面」停产网民难舍 | Executive日记
KellyChu
2025-02-18 02:00 HKT
字體大小
香港饮食文化多元有趣，而讲到公仔面品牌，相信唔少人都会第一时间谂到「出前一丁」，连茶餐厅都可以加钱将面底换做「出前一丁」，就知道呢款公仔面喺香港人心中地位。但最近有网民指出，日清已经停产其中一款经典口味「微辛咖喱味」，为食妹Kelly同大家一样都觉得好唔舍得，唔单止系因为咖喱味好味，仲有好多回忆喺里面呢。
网民Yuki Ng昨日喺Facebook「香港即食面/杯面分享群组」贴出日清食品（香港）客服嘅书面回复，内容指「出前一丁微辛咖喱味产品现已停产及停止发售，我们建议阁下可尝试出前一丁泰式青咖喱味。」佢喺帖文坦言好唔开心，表示「真心觉得咖喱味好好食」，并质疑既然品牌仍有推出类似嘅「咖喱拉面」，点解唔再生产咖喱味公仔面，问道「个味粉唔系一样嘅咩？」
不少网友认同咖喱味系出前一丁咁多款口味中较出色一款，有人话咖喱味一煮就全屋都好香，又端出权宜之计「我而家为（唯）有食麻油味再自己加咖喱粉」，有人则大胆估计「可能咖喱失收」。至于客服建议转购嘅泰式青咖喱味，大家更一致表示唔好食，睇嚟各位成员对公仔面都真系相当讲究。
现时日清食品官网嘅产品列表上，已经揾唔到「微辛咖喱味」；连锁超市网店上嘅「微辛咖喱味」亦均已告售罄，或直接以「泰式青咖喱味」取代。虽然出前一丁时有推出新口味，但好似麻油味、海鲜味、鸡蓉味等经典款式，却始终有不可动摇地位，而小妹咁多年嚟亦都只食麻油味，唔知各位读者最钟意嘅口味又系边款？
KellyChu
出前一丁「微辛咖喱味」。
最Hit
35岁「多仔婆」女星罕谈性生活尺度惊人 大爆富商男友床上尴尬表现 自揭床事频繁非自愿
2025-11-15 10:00 HKT
TVB「未来视后」惊爆患病需中西合璧治疗 穿酒店拖鞋游街面壁行为怪异 曾自揭患惊恐症
2025-11-15 09:00 HKT
油麻地烘焙店变「面包界Hermès」？入店前先排队再「逐个放人入去」 网民猜测1原因咁做
2025-11-14 15:15 HKT
更多文章
