KellyChu - 庆祝植根香港50年 50麦当劳叔叔长凳任打卡 麦当劳元旦日请市民免费搭天星小轮 | Executive日记
KellyChu
2024-12-31 02:00 HKT
字體大小
明天就系新一年，新一年即刻有开心事，香港麦当劳庆祝成立50周年，喺2025年第一日请全港市民免费搭天星小轮，仲有麦当劳叔叔长凳会喺全港50个地点摆放，俾大家打卡留念。
昨天香港麦当劳喺尖沙咀海运大厦顶层观景台举行庆祝成立50周年活动，麦当劳叔叔亮相，同粉丝见面，仲有软硬天师葛民辉同林海峰搞吓笑。Kelly最开心系听到麦当劳有好多与众同乐嘅庆祝活动，包括喺2025年1月1日请全港市民免费搭天星小轮来往中环同尖沙咀，而且航程有惊喜，就系带来七彩缤纷嘅麦当劳主题天星小轮，上面设麦当劳叔叔人像，俾大家同佢以维港风光做背景打卡留念。
由1月1日起，港九新界50个地点会摆设麦当劳叔叔长凳，包括海运大厦顶层观景台、山顶、浅水湾同多间别具历史嘅麦当劳餐厅，好似铜锣湾怡和街、观塘裕民坊、大埔太和和屯门黄金海岸嘅餐厅等，等大家打卡，仲可以透过凳上嘅QR Code玩游戏赢奖品。咁开心嘅庆祝点少得美食，McGriddles将加盟全日早餐行列，由1月1日元旦凌晨12时至晚上11时59分供应，等大家狂欢庆新年之后，食个靓早餐！
香港麦当劳行政总裁黎韦诗话，麦当劳植根香港50年，与港人一起成长，而麦当劳一直秉持「以客为先、以人为本、创新求变」品牌理念，带领市场，屡创饮食业先河。Kelly同意，咁多年来同好朋友喺麦记共度好多美好时光，恭喜麦记生日快乐。
KellyChu
2025年1月1日，香港麦当劳请全港市民免费搭来往中环及尖沙咀的航线。
麦当劳主题天星小轮设麦当劳叔叔人像，俾大家同佢打卡留念。
更多文章
