KellyChu - 葵涌医院医护组乐队 圣诞高歌治愈院友心 | Executive日记
KellyChu
2024-12-30 02:00 HKT
字體大小
音乐治愈人心，一支由葵涌医院医护人员及前院友组成嘅乐队，喺圣诞节前，特别为院友举办一场音乐会，共度佳节。葵涌医院专门照顾精神科病人，呢支乐队「音乐伙伴」，自去年3月起大约每2个月举办一次音乐会，鼓励院内嘅病友，帮助佢地建立自信。
葵涌医院嘅活动室内，「音乐伙伴」奏起多首圣诞歌曲，节日气氛浓厚。曾经入住葵涌医院嘅林丽英，亦有份表演，依家佢担任朋辈工作员，以「过来人」身份向住院者分享感受。佢话无论情绪好坏，都可以凭歌曲或音乐治愈自己，音乐会令人感受到有朋辈同行。
院友既系听众，亦可以系表演者，院友区柏恒初踏台板，佢为音乐会练习咗一个半月。发起音乐会嘅系精神科注册护士兼「音乐伙伴」结他手杨嘉乐，佢话院方会发掘有潜质嘅复元人士，邀请佢哋喺音乐会表演，只要从旁引导同训练，佢哋会进步，让院友从中得到力量，渐渐建立自信。
KellyChu
区柏恒（右二）期望让病人家属和外界知道，精神病患者可以康复，可以在人前表演。
更多文章
