KellyChu - 照亮佐敦逾半世纪 团体收藏保育 太平馆又一霓虹招牌熄灯｜Executive日记
KellyChu
2023-08-08 00:00 HKT
字體大小
曾获香港四大才子光顾、首创港式豉油西餐嘅百年老店「太平馆餐厅」，继尖沙咀老店嘅霓虹灯招牌2月「熄灯」拆卸，陪伴港人近60年嘅佐敦分店霓虹招牌，前晚亦完成任务，熄灯落幕。不过唔好失望，因为中环大馆日后会将霓虹招牌重新展出，好快同大家再见！
太平馆餐厅佐敦分店嘅霓虹招牌，早喺1964年茂林街开业𠮶阵已经挂上，陪伴顾客达59年。招牌除咗要求霓虹师傅扭出薯条状嘅灯管外形，仲保留装饰风艺术风格，而招牌字体则出自岭南派已故学者陈荆鸿嘅手笔，当中太平馆餐厅嘅「餐」字写成「飡」，喺香港招牌史上极为罕见。不过因应屋宇署「小型工程监管制度」，最终不获署方批准保留。太平馆餐厅第五代传人徐锡安前晚就同霓虹保育机构「霓虹交汇」负责人到场，一齐见证呢面招牌熄灯落幕。
招牌预料之后会保存喺元朗仓库，跟住会喺中环大馆展出，重新同大家见面。佐敦分店稍后亦会仿效尖沙咀分店，重新订造一个符合政府要求嘅迷你霓虹招牌，重新悬挂喺店外，延续东方之珠嘅霓虹故事。
小妹查下资料，发现早于1860年，太平馆餐厅就由徐氏家族喺广州太平沙设立，50年代到香港开设分店，主打菜式包括瑞士汁炒牛河、瑞士汁鸡翼同甜品梳乎厘等。香港四大才子金庸、倪匡、黄沾同蔡澜以前都帮衬过，之后仲一度成为文人雅士嘅聚脚地。
Kelly Chu
最Hit
观塘夜市开锣！一连17日免费入场 设30美食摊位 台湾夜市摊贩参展 必试铁板鱿鱼/大肠包小肠（附地址/开放时间）
2025-11-11 15:28 HKT
地域强者 全球挑战 首个获「M」品牌认可电竞赛事BLAST Premier Rivals 8支参赛战队揭晓
2025-11-12 00:00 HKT
繁忙时间港铁车厢必现「集体行为」！？车长开咪仍无效阻止 网民怒批：可唔可以俾返少少公德心
2025-11-11 09:00 HKT
健康PRO｜成人奶粉变健康陷阱 专家教你点拣真健康奶粉
2025-11-11 16:42 HKT
更多文章
