曾智华 - 呢款酸菜鱼得！｜禄禄无穷
曾智华
2022-12-22 00:00 HKT
字体大小
我系为食鬼！为食鬼特色，行又谂食，企又谂食。周街逛，女人可能睇化妆品、名牌、护肤品、靓衫靓鞋……小弟呢？独沽一味——食食食。到超市也如是，除睇红白酒边款减价外，必定行埋新鲜肉类、鱼类及家禽档位。然后，再走到急冻柜，睇睇有乜新产品。
香港人，个个忙，边有时间慢慢在家煮食，故必定有齐即食面外，冰格一定有各式点心水饺等，可以一「叮」即掂的食物。
我喜欢饮汤，故亦有几款冇味精添加的汤包，想饮时，放入炉中一滚，热腾腾即可靓汤上枱！
近年，中港都兴食酸菜鱼。酸酸辣辣，非常惹味。冬天整一碗，全身发滚，感觉好正。但要自己煲，真系麻鬼烦，尤其要买鱼又洗又切，花的时间与享受，根本不成比例。
哈，终于，又俾我撞中一种方便快捷质素颇高的酸菜鱼，几掂吓。
家住土瓜湾附近，日日早餐后，先运动，再两头游。上周，游到靠背垄道百几号，一间批发零售冻肉店。瞄瞄先。咦，有不同地方的急冻鸡翼及猪牛羊㖞。大雪柜中，有一款名「重庆金汤酸菜鱼」（图），好，试试佢！
返家用八百毫升水滚起汤包、酸菜及配菜，稍后加入解冻鱼片，煮三分钟，下一匙热油。入口……正！冇味精！鱼片新鲜，冇骨。很少汤包有此专业水平。
曾智华
香港人，个个忙，边有时间慢慢在家煮食，故必定有齐即食面外，冰格一定有各式点心水饺等，可以一「叮」即掂的食物。
我喜欢饮汤，故亦有几款冇味精添加的汤包，想饮时，放入炉中一滚，热腾腾即可靓汤上枱！
近年，中港都兴食酸菜鱼。酸酸辣辣，非常惹味。冬天整一碗，全身发滚，感觉好正。但要自己煲，真系麻鬼烦，尤其要买鱼又洗又切，花的时间与享受，根本不成比例。
哈，终于，又俾我撞中一种方便快捷质素颇高的酸菜鱼，几掂吓。
家住土瓜湾附近，日日早餐后，先运动，再两头游。上周，游到靠背垄道百几号，一间批发零售冻肉店。瞄瞄先。咦，有不同地方的急冻鸡翼及猪牛羊㖞。大雪柜中，有一款名「重庆金汤酸菜鱼」（图），好，试试佢！
返家用八百毫升水滚起汤包、酸菜及配菜，稍后加入解冻鱼片，煮三分钟，下一匙热油。入口……正！冇味精！鱼片新鲜，冇骨。很少汤包有此专业水平。
曾智华
更多文章
