曾智华 - 磨人的收视率｜禄禄无穷
曾智华
2022-07-28 21:14 HKT
字体大小
屋漏更兼逢夜雨，TVB股价昨创新低，跌破四蚊鸡！
无记宣布不再公布收视率，传媒业内人士，个个都窒一窒。
香港地，打过TVB工者（包括小弟），必过十万人，事实，由六十年代开始，TVB就是收视霸主，无一个台是对手。
丽的电视曾经七八年逼近，亚洲电视亦一度以《今日睇真啲》及《百万富翁》拉平均势，不过全都昙花一现。无记只要一发力，或以相同节目对撼，对手一定散， 挨唔长。
所以，TVB非常热衷公布收视，因铺铺赢到开巷，当然要晒吓个唯我独尊势头。
点知，搞搞吓，无记品味与香港人，尤其年轻一代，愈行愈远，节目不单冇新意，兼且，制作水平，一蟹不如一蟹。
这个，差不多已是香港人的共识。
昨晚与几位前TVB的制作老友共聚，虽则大家不打无记工，但仍然有点忿忿不平——点解制作水平会滑落到如厮地步？究竟内内外外发生咗乜事？究竟重有冇得医？
做过商业传媒者皆知，电视台要揾生意，广告叫价，有乜基准？就是靠收视率。故此，呢项压力，极之磨人。因为，今日的成功，明日已无效！所以，电视人揸住份收视报告，日日有得震冇得瞓，但，仍要「面对现实」。
如今，无记唔玩呢瓣，是精明定愚蠢？睇睇外间反应及股价，已知此决定有几「英明」嘞。
曾智华
更多文章
