曾智华 - 「牛肉干」早餐真好味｜禄禄无穷
曾智华
2022-06-16 00:00 HKT
字体大小
做得公仆（小弟做咗三十六年！），预咗俾市民窒（出气），包括揶揄：「你班友薪高粮准，做又三十六，唔做又三十六，奉旨蛇王！」
系真唔系真？就小弟N年所见，有真有假。数十年前，真的多。早年香港，做官真系大晒，无王管咁款，只要上级下属「围威喂」互相包庇，咁就随时可以半Team人开工，半Team人蛇咗上内地Happy。其时唔兴互笃，传媒势力又冇乜，所以，好安全。
不过，自从廉记成立，传媒爆炸性开放（八九十年代至千禧年），竞争空前激烈下，当然揾贪官蛇官祭旗，兼且，市民投诉风气也开始大盛，做公务员行差踏错，太大风险，甚少人敢博。
无他，冇人会揽你也。
当然，工作效率慢，仍不时有，但此非是罪，最多升慢啲啫。不过，真㗎，唔系个个公务员都想升职㗎。
今日我想讲乜？乃想指出，今天有不少公务员，真系勤奋到你唔信，简直要起立敬礼㗎！佢哋绝不会「做又三十六，唔做又三十六」。边个？正是负责抄牌的警员及交通督导员。佢哋铺积极性及高效率，相当惊人。
呢呢，小弟昨天就亲身感受到嘞。早上七点，泊低车食个早餐。完全冇阻街。但⋯⋯犀利，政府加送「牛肉干」，可能惊我我唔够饱（图），一睇，七点四十二分抄，咁勤力，服未？
曾智华
系真唔系真？就小弟N年所见，有真有假。数十年前，真的多。早年香港，做官真系大晒，无王管咁款，只要上级下属「围威喂」互相包庇，咁就随时可以半Team人开工，半Team人蛇咗上内地Happy。其时唔兴互笃，传媒势力又冇乜，所以，好安全。
不过，自从廉记成立，传媒爆炸性开放（八九十年代至千禧年），竞争空前激烈下，当然揾贪官蛇官祭旗，兼且，市民投诉风气也开始大盛，做公务员行差踏错，太大风险，甚少人敢博。
无他，冇人会揽你也。
当然，工作效率慢，仍不时有，但此非是罪，最多升慢啲啫。不过，真㗎，唔系个个公务员都想升职㗎。
今日我想讲乜？乃想指出，今天有不少公务员，真系勤奋到你唔信，简直要起立敬礼㗎！佢哋绝不会「做又三十六，唔做又三十六」。边个？正是负责抄牌的警员及交通督导员。佢哋铺积极性及高效率，相当惊人。
呢呢，小弟昨天就亲身感受到嘞。早上七点，泊低车食个早餐。完全冇阻街。但⋯⋯犀利，政府加送「牛肉干」，可能惊我我唔够饱（图），一睇，七点四十二分抄，咁勤力，服未？
曾智华
最Hit
更多文章
