Executive日记——女友裕美揸机拍片估错特朗普连任林作裸跑找数

Executive日记

KellyChu

2020-11-09 04:16 HKT

阅讀更多

生活专栏

內容

　　美国总统大选，大局底定，民主党拜登当选，已无悬念，但唔少网络KOL变身「灯神」，贴错特朗普会连任，其中包括从事保险业嘅林作，佢曾扬言估错就会喺尖沙咀广东道裸跑，被网民质疑佢「走数」，林作喺网上搞咗一轮动作之后，终于由女友裕美揸机，拍下祼跑短片找数，但依然惹起网民劣评如潮。
　　林作喺美国大选当日（三日）晚上发帖文，打赌如果拜登赢出，「我夜晚十二点放工广东道裸跑一段为佢赠兴又点话？」佢之后几日再出post，以「Why so serious？」、「写定遗书，准备裸跑」和「认真便输了」作回应，但迟迟未有行动，被网民质疑佢「走数」。直到拜登昨天宣布胜选，林作开放留言区，等网民投票决定佢系咪要裸奔，即惹来网民恨批佢「咁无诚信，学咩人卖保险」、「唔好死剩把口啦，找数」。
　　去到昨晚，林作透露托女友裕美揸机，影佢祼跑。网上有照片流出，见到林作喺半夜戴住一个黑色口罩落街裸跑，但其下半身及敏感部位就用咗「格仔」遮住。但网民似乎唔收货，继续大骂「无观众嘅？黑妈妈又戴口罩，我认唔到啰」、「不如喺你自己屋企裸跑都得㗎啦。不停欺骗大家。」
　　小妹提提大家，喺公众地方猥亵暴露其身体任何部份，属刑事罪行，最高可处罚款一千和监禁六个月，大家唔好以身试法。
Kelly Chu