古星辉 - 玩转5G数据 | 乜都5G
北上玩乐成风，加上深中通道上月底开通，相信跨境消费的热潮会继续维持。同事早前做咗统计，发现由年初至5月期间，我哋嘅客户平均每月北上4日，每日用量可以高达4GB，而内地及澳门漫游数据活跃用户数目更大幅跃升咗7成，突显客户对内地及澳门嘅数据需求。
内地拥有全球规模最大之一嘅5G网络，一线城市嘅覆盖率达8成半以上，主干道嘅平均5G覆盖率更达到9成，难怪有所谓「县县通5G」嘅讲法。5G不但覆盖内地主要城市，就连珠穆朗玛峰都有5G。珠玉在前，大湾区各重点城巿亦竭力发展5G通讯，加快5G通全国嘅步伐。
看准港澳及内地有更紧密联系，又适逢暑假旅游旺季，激发咗我哋嘅新思维，全力革新5G数据嘅使用概念，率先打通港澳及内地嘅5G数据，破天荒推出咗一种本地数据三地通用嘅服务，等客户无论身处港澳或内地，都可以按需要自由配搭使用5G数据，重点系无额外收费。对客户来讲，真系简单直接。
能舍才能得
众所周知，漫游数据收费一般比本地数据高；要做到本地5G数据三地通用，即系本地数据当漫游用，对电讯商来讲有辣有唔辣。呢个新概念，正正体现咗「能舍才能得」嘅道理；一方面真正便利客户，同时亦借此吸引及鼓励更多客户升级转用5G。做到5G数据三地自「游」行，客户可以随时随地安心北上或者过大海，毋须买漫游卡，毋须换卡；喺内地更加可专享「全网通」服务，即系喺收唔到网络A嘅地方，可以连接至国内其他主要电讯商继续使用。
今时今日北上，有埋一卡两号更方便。但唔讲可能无咩人留意到，原来宜家喺香港都可以用内地电话号码发送短讯或致电内地，而喺内地打内地流动电话，或者任何香港号码，唔使加国家及地区编号都打得通，超方便！
北上叫车及订枱食饭，内地习惯系要同客户对一对电话最尾4个数字。我哋最近就加咗一个好贴心嘅配对服务，特别帮客户配对尾4个数字同香港号码相同嘅内地号码。有咗「孖号」，大家喺内地叫车订座俾人问起，即刻讲得出电话号码尾4个数字，呢啲就真系北上达人喇。
听讲有行家留意到我哋本地5G数据三地用嘅新概念，随即推出咗类似嘅服务计划。但其实无论系用5G数据自「游」行、「$0漫游」或「5G共享数据」等字眼，我哋大家都系以提升客户嘅流动通讯体验为大前提。要体验5G嘅无远弗届，你升级咗未？
和记电讯香港执行董事及行政总裁
古星辉
