古星辉 - 5G宽频开拓海上覆盖 | 乜都5G
落咗好多个礼拜雨，终于见到阳光！嚟紧几个月都系钓墨鱼、游船河、开海上派对嘅季节，好多人都会出海，依家大家可以边玩边体验海上5G极速网络！
记得以前读书嘅时候，教科书会用「水深港阔」来形容香港，因着这得天独厚嘅条件，奠定咗当时转口港嘅地位。时至今日，我哋已经成为国际航运中心，讲紧发展海洋经济，即系建基于海洋嘅经济活动，例如航运、渔业、养殖业及海上旅游等。
事实上，全国海岸线最长、超过4000公里嘅广东省，已经成功做到5G沿海全覆盖。佢哋喺海上构建5G网络，开拓5G养殖场、5G海上风力发电等，为海洋经济注入动力！
采崭新技术提升通讯质素
近在香港，我哋亦一直致力开拓5G海上覆盖及应用。喺基建方面，早于去年，公司已特别喺香港仔至西贡沿岸，即西环、鸭脷洲、赤柱及鹤嘴对开海面，升级流动通讯设备，并配合700兆赫频谱嘅应用，提升传输速度及稳定性，大大提升海上5G覆盖，为客户打造极致嘅海上通讯体验。我哋同时亦利用咗崭新嘅e-MIMO Pro技术，减低海上嘅电波干扰，进一步提升海上通讯质素。
喺加强咗5G海上覆盖后，我哋随即有「海上特工队」嘅同事，专责向游艇船主，以及渔船及趸船用家推介5G宽频。佢哋为咗要见客户一面，日日喺凌晨周游鲤鱼门、油塘、香港仔一带。最难得系，听啲用家讲，冇谂过出咗海都有5G高速上网，可以睇片、直播同打机，喺船上工作有番啲娱乐好开心。
另一方面，喺海上收到5G，航行时多咗一个与外界保持联络嘅途径，有咩事都可以揾人帮手，有助提升安全。
对于提升用户喺海上使用5G嘅体验，我哋从来都勇于尝试。大家可能仲记得我哋喺香港啱啱复常嘅时候，成功举办全港首个海上邮轮5G高清直播音乐会。当时大家都好紧张，因为海域广阔，要确保讯号清晰，实在有难度。而我哋凭着勇于创新嘅态度，成就咗崭新嘅海上5G直播，实在令人自豪！未来要打造智慧海港，指日可待。
和记电讯香港执行董事及行政总裁
古星辉
