古星辉 - 5G助停车场侦测水浸｜乜都5G
古星辉
2023-09-29 00:00 HKT
字體大小
月有阴晴圆缺，有谁会预计到早前香港竟然连续两度受极端天气来袭？十号风球之外，还有世纪暴雨，引致渠道淤塞、雨水倒灌，令多区严重水浸，泊喺低洼地区停车场嘅汽车更加完全淹没于水中，真系睇见都心酸。
世事难料，但喺5G新时代，先进科技就提供咗一条出路。因应恶劣天气所造成嘅影响，最近同事就特别物色咗一个侦测停车场水浸嘅方案，将5G结合物联网嘅应用，专门帮助物业管理公司防患于未然，喺暴雨令停车场出现积水前发出紧急警报，等物管可以即时作出相应安排，减低车主损失，更重要嘅系保障人命安全。
侦测敏锐防患未然
呢个名为「5G智慧停车场水浸侦测方案」嘅商业应用有2大功能：首先是当系统侦测到停车场嘅水位达到预设嘅某一水平时，就会自动开动水泵抽走啲水；另外系统又会立即发出警报，即时通知管理处采取相应行动，例如通知车主预先驶走车辆，减低天灾造成嘅影响。
科技有时会畀人深不可测嘅印象，但今时今日简单、方便、易用先系王道！要预防停车场水浸，需要嘅嘢好简单，最基本嘅系高敏锐度嘅智能感应器，加上5G连接，做到万物互连，充分发挥物联网嘅功能。
专业人员会先因应各个停车场嘅特性设计方案内容，例如视乎停车场嘅面积及位置厘定摆放智能感应器嘅数量。大家会先到停车场实地视察，选择喺合适嘅位置例如墙身或去水位附近，放置智能感应器。
智能感应器会喺暴雨出现或其他原因，令停车场嘅积水上升到某个水平时，透过极高速嘅5G网络，将数据即时传送至伺服器，再连接云端，并透过手机应用程式迅速通报物业管理公司，方便佢哋采取应变措施，减低车主因意外造成嘅损失。
常言道5G改变世界，科技改变未来，正正就系呢个意思！今日系中秋节，「但愿人长久，千里共婵娟」，祝愿大家中秋节快乐！
和记电讯香港行政总裁
古星辉
更多文章
