古星辉 - 5G@电脑节｜乜都5G
古星辉
2023-08-18 00:00 HKT
字體大小
香港电脑通讯节（电脑节）将于下周开锣，今次活动于复常后首次举行，适逢又系电脑节20周年，好多参展商都把握机会，尽展各种崭新科技及商业解决方案，其中当然唔少得5G。
智慧校园与时并进
公司今年就会喺「5G及绿色科技生活区」，同大家分享5G方案如何能协助推动绿色科技发展，以及打造绿色生活。其中一个做到「异常用电量实时提示」嘅方案，就有助企业达到ESG鼓励悭电嘅目标，从而减低营运成本。呢个智慧节能管理方案，能7x24全天候实时将企业嘅用电量呈现于图表上，一发现用多咗电，就会发出提示，协助用户根据数据部署节能，非常实用。
另外好快又开学，我哋会喺电脑节介绍专为学校而设嘅智慧校园方案，方便学校引入与时并进嘅管理及学习模式，其中有一个实用嘅方案要同大家分享：
平日饮茶食饭，大家都可能已经习惯喺应用程式遥距攞筹，其实呢个轮候管理方案，可以应用喺学校，方便家长日见家长、入学面试、喺图书馆借书或预约学校设施等，透过应用程式遥距或现场攞飞，节省排队时间；系统仲可以出番个报告，方便学校进行各种分析便利师生。
除咗校管，我哋亦搜罗咗一啲好有趣味嘅学习方案，例如应用咗AI嘅聊天机械人，呢个有助深度学习嘅机械人，植入咗适合由六个月大嘅幼儿至12岁学童嘅权威英语课程，课程可以每日喺云端更新，机械人又可与小朋友双向交流，提高主动学习嘅兴趣，家长仲可以透过应用程式紧贴子女嘅学习进度，帮助巩固课堂所学。
电脑节将于8月25至28日喺湾仔会展举行，除咗扫货外，记得嚟睇吓最新嘅5G科技应用！
和记电讯香港行政总裁
古星辉
最Hit
35岁「多仔婆」女星罕谈性生活尺度惊人 大爆富商男友床上尴尬表现 自揭床事频繁非自愿
2025-11-15 10:00 HKT
TVB「未来视后」惊爆患病需中西合璧治疗 穿酒店拖鞋游街面壁行为怪异 曾自揭患惊恐症
2025-11-15 09:00 HKT
油麻地烘焙店变「面包界Hermès」？入店前先排队再「逐个放人入去」 网民猜测1原因咁做
2025-11-14 15:15 HKT
更多文章
