古星辉 - 5G宽频撑起户外泼水音乐派对｜乜都5G
全面复常，瞩目盛事浪接浪，上周于中环海滨举办嘅《S2O亚洲泼水音乐节—香港站》，更系全港首个世界级的大型户外湿身音乐派对，据说场地面积比泰国站更大！音乐节嘅型格舞台及360度强劲喷水系统，真系令所有入场观众耳目一新！单看近日社交平台上近乎洗版式嘅打卡相，就知道活动有几受欢迎。
世界级盛事，当然要有世界级5G网络支援，我哋公司旗下尊尚品牌SUPREME全力支持是次盛事，成为大会5G赞助伙伴，负责于场内提供覆盖完善嘅5G服务，让观众及商户于场内进行电子交易及随时上网打卡都可以畅顺无阻。
逾万人同时使用 5G仍流畅
我哋对中环海滨呢个场地可谓驾轻就熟，因为去年喺同一场地举办嘅Artaverse，我哋亦系大会嘅5G伙伴。
据技术部同事所讲，今次嘅场地较Artaverse大一倍，加上大舞台设于中央，整体网络部署上都有所考究。对于我哋身经百战嘅技术部同事嚟讲，呢啲当然唔系问题，经佢哋精密计算后，于场内添置一些器材，配合场外一啲微调，无论容量及覆盖都可满足全场需要。即使全场每日有超过一万名工作人员及观众同时使用，一样顺畅唔塞车。
是次大会鼓励观众于场内使用电子消费，希望令交易流程更便捷。就住呢个要求，负责有关方案嘅同事，喺场内规划几个小区5G宽频网络布局，方便大会喺入口办理入场手续、商户接驳至电子支付平台，以及工作人员间嘅联络，确保流程运作顺畅。
5G宽频户外盛事尽展所长
喺户外活动场合，要使用固网服务相当不便，拉线安装时间甚长；相反5G比较简单，安装上极具弹性。今次我哋为S2O呢个咁大型嘅城中盛事特别设计咗小区5G宽频应用，就好像为使用单位设立一条专线，令运作上特别顺畅。
场内特设贵宾区域，供我哋服务嘅SUPREME用户同一众城中名人好友使用，仲纷纷大赞上网超快超顺，打卡都快人一步！
5G宽频嘅应用，唔单止喺屋企，就算喺户外大型活动都可以尽展所长。
和记电讯香港行政总裁
古星辉
