古星辉 - 低密度住宅烦恼｜乜都5G
古星辉
2022-07-29 16:08 HKT
字體大小
近年搬屋，好多人都会将宽频服务列入考虑因素，原因好简单，现时娱乐、工作、学习都需要连线上网，所以宽频讯号唔止收到，仲要收得好。
早几日见到Banker C，原来佢最近搬咗去低密度住宅，谂住幽静啲、空气好啲，点知佢话激到成肚气：「一心谂住搬去低密度住宅，环境阔落啲，空气又清新啲，点知𠮶度个宽频速度极慢、价钱超贵，净系为咗上网都已经搞到一头烟！有乜理由得𠮶几M龟速，都仲要收我几百蚊一个月，仲要系独家村，想拣另一个供应商都冇，简直揿住嚟抢，我全家暂时都系靠手机上网顶住先！」
靠5G宽频神器打救
自从上月底700MHz 5G频谱正式启动后，呢个问题已经再唔系问题。700MHz呢段低频带嘅频段穿透力特强，可以打造更深度嘅覆盖，讲得夸张啲喺山旯旮都收得到，相信呢段低频带会系低密度住宅嘅宽频救星。最近市场出咗部最新嘅5G宽频神器，可以话系为700MHz靓频度身订造；由于佢特设智能双频技术，可以将频谱效益发挥到最高，喺啲特定场景之下，呢部神器竟然可以发挥到两倍速度，比几M宽频快多多声！成家人打机、煲剧、上网课或者在家工作都不成问题，而呢啲特定场景通常就系啲低密度住宅。
有啲用家拣屋企每件摆设都有啲要求，外形不能太挜拃、色调不能太老套。我见过呢部5G宽频神器嘅实物，佢流线型设计嘅机身，全身白雪雪，好易配衬不同摆设，放喺屋企边度都无违和感，相信呢部5G宽频神器，好快会成为住喺低密度住户嘅恩物。
当日同Banker C讲完以上说话之后，㖊日就收到佢电话，话5G宽频神器真系解决晒佢嘅问题。所以话，5G的确同我哋生活息息相关。
和记电讯香港行政总裁
古星辉
最Hit
地域强者 全球挑战 首个获「M」品牌认可电竞赛事BLAST Premier Rivals 8支参赛战队揭晓
2025-11-12 00:00 HKT
前TVB「斯文男神」贴地搭地铁悠然自得 身上一特征超显眼极可惜 淡出幕前转做厨师
2025-11-12 17:00 HKT
观塘夜市开锣！一连17日免费入场 设30美食摊位 台湾夜市摊贩参展 必试铁板鱿鱼/大肠包小肠（附地址/开放时间）
2025-11-11 15:28 HKT
更多文章
