头条戏场——《尸杀半岛》丧尸原来系不错的路障
头条戏场
2020-09-04 04:18 HKT
字体大小
因为《尸杀列车》所以好恨睇续集《尸杀半岛》，戏院重开即入场，虽然负评好多，但我又唔觉得差到咁，事关我终极入场目标系睇男主角姜栋元，由头带到尾，又跑得又打得又有样，着军服有型，揸枪有格，不舍姐夫之情又点到即止，我本人就相当满意，至于抄足《末日先锋：战甲飞车》的飞车场面多过丧尸咬人？硬煽情完全冇感动位？我又唔觉得咁大问题，而且对于导演用丧尸做路障呢点亦非常欣赏，系呀，其实套戏唔系讲丧尸㗎。(上映中)撰文：廖思慧
《尸杀半岛》设定喺《尸杀列车》嘅4年后，因为尸毒蔓延至全韩国，半日已沦为死城，退伍军人正锡(姜栋元饰)同家人及一堆死剩种上咗最后一艘难民船，但上船冇耐就有人感染尸毒，原本难民船驶往日本，但被拒入境，最终获香港收容。其实全片最离谱系呢点，点解要香港接收难民呀？
真系以为睇紧《狂野时速》
最终姜栋元以「半岛难民」身份在香港生活，之后被一班唔知咩人召回南韩偷巨额美金，然后就展开成套戏嘅重点，姜栋元返韩国攞美金、见到好多丧尸、有一班走唔到嘅军人变晒人渣、姜栋元遇到曾经见死不救嘅李贞贤母女、跟住好多好多好多飞车场面、丧尸做晒路障。导演延尚昊表示：「《尸杀半岛》是比较倾向『后末日电影』(post-apocalypse genre)的类别，呢个类别总系透过万物毁灭、秩序重组嘅设定嚟突出人道主义，我极力尝试喺呢部戏表现呢种特色。」导演好想靠《尸杀半岛》带出人性比丧尸病毒更可怕，其实香港人都知咗一段时间。
玩鬼丧尸
■戏中李贞贤大女李蕊揸车超辣，仲会用会着灯嘅摇控车玩班丧尸。
揸枪救人
■姜栋元揸住枪去丧尸场救姐夫，睇佢几有型。
扭曲军人
■军队第二话事人金民宰，人性完全扭曲，叫野外发现嘅生还者做野狗。
自私之霸
■军队最高话事人具高焕，人性非常丑恶。
幸存家庭
■李贞贤的两个女及老爷，两女有脑又好身手。
《尸杀半岛》设定喺《尸杀列车》嘅4年后，因为尸毒蔓延至全韩国，半日已沦为死城，退伍军人正锡(姜栋元饰)同家人及一堆死剩种上咗最后一艘难民船，但上船冇耐就有人感染尸毒，原本难民船驶往日本，但被拒入境，最终获香港收容。其实全片最离谱系呢点，点解要香港接收难民呀？
真系以为睇紧《狂野时速》
最终姜栋元以「半岛难民」身份在香港生活，之后被一班唔知咩人召回南韩偷巨额美金，然后就展开成套戏嘅重点，姜栋元返韩国攞美金、见到好多丧尸、有一班走唔到嘅军人变晒人渣、姜栋元遇到曾经见死不救嘅李贞贤母女、跟住好多好多好多飞车场面、丧尸做晒路障。导演延尚昊表示：「《尸杀半岛》是比较倾向『后末日电影』(post-apocalypse genre)的类别，呢个类别总系透过万物毁灭、秩序重组嘅设定嚟突出人道主义，我极力尝试喺呢部戏表现呢种特色。」导演好想靠《尸杀半岛》带出人性比丧尸病毒更可怕，其实香港人都知咗一段时间。
最Hit
更多文章
