头条戏场——《#ALIVE》保住条命唔好死
头条戏场
2020-09-18 04:18 HKT
字体大小
改编自荷里活编剧 Matt Naylor的剧本，由百想视帝刘亚仁及朴信惠主演的《#ALIVE》蝉联三周韩国票房冠军，香港人唔使戴住口罩入戏院睇，仲可以食住嘢叹住睇，因为Netflix已上架。剧情简单节奏快速，最紧要犯驳位唔多，同样卖丧尸，我觉得好睇过《尸杀半岛》，仲要系几多O添。撰文：廖思慧
丧尸片其实来来去去咁上下，见到丧尸要走，未见到丧尸要避，睇导演功力有几强，可以将避同走拍得惊险又有趣。《#ALIVE》讲述首尔突然有不明病毒，感染者全都会眼出血行为怪异，最后仲会变食人丧尸，但呢只丧尸同一般我哋睇开嘅丧尸唔同品种，因为呢只中咗毒后会Keep住十几廿分钟正常，呃到好多人，你以为佢冇事，原来唔系，所以病毒传播极快，一个大屋苑唔使一个钟九成人中晒招。
唔好惊顶住呀
男主角吴俊宇（刘亚仁饰）好钟意打机，打打吓发现屋苑有丧尸入侵，匿喺屋企咪唔惊啰，但冇水冇电加上冇晒食物，一系走一系等死。孤军作战廿日谂住自我了断之际，男主角发现对面公寓有另一位幸存者金宥彬（朴信惠饰），两人全靠抱住「一定要活下去」的坚强意志先挨到然后再一齐逃离「丧尸公寓」。因为丧尸入侵场景喺屋苑，感觉好贴近，边睇边谂吓发生喺自己身上会点处理，紧张之余仲要动吓脑筋，成件事几有意义。
企满走廊
■丧尸喺屋苑走廊行嚟行去，感觉好贴近自己生活。
声音吸引
■只要有声同光就会吸引到丧尸，所以男主角喺屋企唔可以发出任何声音。
冇晒嘢食
■因为有丧尸强行入屋推倒雪柜，男主角冇晒嘢食。
惊险一博
■拎住高球棍嘅吴俊宇谂住去邻居屋企揾吓有冇嘢食。 
有生还者
■吴俊宇得知对面同层公寓仲有生还者，从新燃起求生意志。
丧尸片其实来来去去咁上下，见到丧尸要走，未见到丧尸要避，睇导演功力有几强，可以将避同走拍得惊险又有趣。《#ALIVE》讲述首尔突然有不明病毒，感染者全都会眼出血行为怪异，最后仲会变食人丧尸，但呢只丧尸同一般我哋睇开嘅丧尸唔同品种，因为呢只中咗毒后会Keep住十几廿分钟正常，呃到好多人，你以为佢冇事，原来唔系，所以病毒传播极快，一个大屋苑唔使一个钟九成人中晒招。
唔好惊顶住呀
男主角吴俊宇（刘亚仁饰）好钟意打机，打打吓发现屋苑有丧尸入侵，匿喺屋企咪唔惊啰，但冇水冇电加上冇晒食物，一系走一系等死。孤军作战廿日谂住自我了断之际，男主角发现对面公寓有另一位幸存者金宥彬（朴信惠饰），两人全靠抱住「一定要活下去」的坚强意志先挨到然后再一齐逃离「丧尸公寓」。因为丧尸入侵场景喺屋苑，感觉好贴近，边睇边谂吓发生喺自己身上会点处理，紧张之余仲要动吓脑筋，成件事几有意义。
最Hit
更多文章
