头条戏场——《阳光兔仔兵》糖衣包装下的悲剧
头条戏场
2020-02-07 04:18 HKT
字体大小
电影去年在多伦多电影节中夺得观众票选大奖，是真正的人见人爱，然后是一众颁奖礼如英国电影学院奖、金球奖及奥斯卡等提名，成绩表非常巴闭。电影以男孩视角审视二战的残酷，鬼马加荒诞，奇幻又悲伤，属反战喜剧。首次演戏的小男主角JoJo( Roman Griffin Davis饰)将盲目崇拜纳粹德国兼情窦初开的十岁小男生演到上晒身，那种尴尬加疑惑加唔知点算加发现曾经拥抱嘅人如此邪恶，非常可爱。(上映中) 撰文：廖思慧
十岁O靓仔JoJo被二战时期的纳粹德国洗晒脑，拥有一颗热血爱国心非常崇拜希特拉，童年梦想系加入希特拉青年团，因为太过崇拜而幻想咗一个只有佢睇到嘅希特拉出嚟，两人亦师亦友，善良嘅JoJo好信任呢位虚构的偶像，但相处耐咗觉得好唔对路。
一个家庭，不同政见注定多问题，同情犹太人嘅系JoJo嘅强悍妈妈Rosie(Scarlett Johansson饰)，有一日被纳粹党洗脑嘅JoJo唔觉意发现阿妈收埋一个犹太少女Elsa(Thomasin McKenzie饰)，晴天霹雳唔知点算，最后发现一直被灌输嘅犹太人等于邪恶并非真实，世界从此变得美好。
电影中的灵魂就系小男主角JoJo，导演Taika Waititi为寻找可以能够驾驭对纳粹德国有盲目崇拜同时又情窦初开角色嘅演员，走遍纽西兰、澳洲、英国、加拿大、美国及德国，睇咗超过1000个小朋友嘅试镜影片，最终揾到11岁的英国男孩Roman Griffin Davis。导演对佢赞不绝口，觉得佢对演戏充满热诚，更发现佢有超越同龄小孩嘅专注力，「佢可以将愤怒及焦虑等复杂嘅情绪，融合到幽默嘅演出之中，根本系JoJo的不二之选。」最后那只JoJo同Elsa的自由之舞，又甜又趣，正义必胜，睇到我会心微笑。
证明大胆
■参加希特拉青年团嘅JoJo为证明自己大胆，抢住掷手榴弹。 
发现少女
■因为听到楼上有声，JoJo发现阿妈竟喺屋企收埋犹太少女。 
倾偈论政
■JoJo同妈妈食饭时都会讲政治嘢，但阿妈唔钟意强调细路仔唔好讲咁多。 
奇趣场景
■虽然讲纳粹德国讲二战，但残忍场口唔多，反而可爱场景有一大堆。
十岁O靓仔JoJo被二战时期的纳粹德国洗晒脑，拥有一颗热血爱国心非常崇拜希特拉，童年梦想系加入希特拉青年团，因为太过崇拜而幻想咗一个只有佢睇到嘅希特拉出嚟，两人亦师亦友，善良嘅JoJo好信任呢位虚构的偶像，但相处耐咗觉得好唔对路。
一个家庭，不同政见注定多问题，同情犹太人嘅系JoJo嘅强悍妈妈Rosie(Scarlett Johansson饰)，有一日被纳粹党洗脑嘅JoJo唔觉意发现阿妈收埋一个犹太少女Elsa(Thomasin McKenzie饰)，晴天霹雳唔知点算，最后发现一直被灌输嘅犹太人等于邪恶并非真实，世界从此变得美好。
电影中的灵魂就系小男主角JoJo，导演Taika Waititi为寻找可以能够驾驭对纳粹德国有盲目崇拜同时又情窦初开角色嘅演员，走遍纽西兰、澳洲、英国、加拿大、美国及德国，睇咗超过1000个小朋友嘅试镜影片，最终揾到11岁的英国男孩Roman Griffin Davis。导演对佢赞不绝口，觉得佢对演戏充满热诚，更发现佢有超越同龄小孩嘅专注力，「佢可以将愤怒及焦虑等复杂嘅情绪，融合到幽默嘅演出之中，根本系JoJo的不二之选。」最后那只JoJo同Elsa的自由之舞，又甜又趣，正义必胜，睇到我会心微笑。
更多文章
