阿碌开咪｜究竟点染返嚟？ 两个有一个中
《名家合集》收录名人文章，分享观点，探讨时事。
2022-10-28 11:31 HKT
字体大小
昨晚讲到去做肠镜及胃镜，之前一晚服泻药，结果第一包冇效，到凌晨四点食第二包才开始「万马奔腾」，搞到清晨六点半才可与马桶说再见。但已差不多要到医疗中心了。
瞓上手术床前，护士循例解释一切，并嘱咐签下「生死状」（即系，老友，你自愿㗎），喂！边有得拣呀，当然火速签啦。
剥光猪后穿起纸裤瞓上床，护士细心盖毡，然后等呀等。三十分钟后医生到，麻醉师开工，先唧几滴镇静剂入口，再在血管注射麻醉。唔使五秒，已失知觉。似乎时间冇乜过就醒返。
医生乃非常「熟手男工」，做咗几十年，半小时内乜都搞掂：「休息后到应诊室见我啦！」
效率之高，再次觉得，悭其他使费，都应在需要时揾私家，太大分别了。
穿回衣服，叹咗杯免费热朱古力，体力恢复多少，再去见医生。原来短短半小时，一切已经准备妥当，包括手术后详细报告、八张相片、一只手术过程电脑碟……真犀利！
「曾先生，你冇瘜肉（十年前有四粒，十年后竟然冇，都几奇！）。不过，胃镜显示，有幽门螺旋菌，要食一个Course药，包括抗生素，然后再返嚟覆诊啦。走得㗎喇，下次见！」
返屋企，速速上医疗网，查查乜野系幽门螺旋菌，究竟点嚟嘅，染上又会有乜后果？
唔睇犹自可，一睇大发现！原来根据中文大学医学院研究，全球有四十几亿人感染咗呢只菌，而香港每两个人就有一个中，比率超过一半！哈，点解冇人涌去求医呢？因为……大部分冇感觉、冇征状，根本唔知！
咁几时会知？第一，好似我咁走去做胃镜，咪发现啰。第二，感觉胃胀、胃气多、突然消瘦、胃痛或食欲不振，到时揾医生验，即知。若长期唔理，会诱发慢性胃炎，导致胃溃疡及出血。再拖呀拖，就有机会变成胃溃疡或胃癌。
呢只菌点染返嚟的呢？通处都系，防不胜防！结论，快啲医，成功治瘉者翻发机会好低。
曾智华
阿碌开咪
编按原题为「两个有一个中的菌」
iStock示意图片
最Hit
郑秀文整个星期往返医院 眼有泪光精神恍惚令人心疼 毕生挚爱留医8日：零碎中前行
2025-12-19 17:30 HKT
63岁前TVB男星现身街头须发皆白 收入插水离巢转行卖鱼 被细24年女友狠撇认有第三者
2025-12-19 09:00 HKT
更多文章
