孙慧雪变「女版古天乐」海量公仔塞爆三个仓不爱名牌爱限量版BE@RBRICK丨星级品味

更新时间：09:00 2024-05-24 HKT
发布时间：09:00 2024-05-24 HKT

如果要讲出在娱乐圈对收藏玩具的表表者，首选一定是古天乐，本身是超级科幻电影迷的古天乐，一直以收藏电影模型玩具为乐，甚至耗资逾千万港元创建私人玩具王国，珍藏多件绝版1:1恍如真人的模型，除了黑武士，还有蜘蛛侠、蝙蝠侠、铁甲奇侠、未来战士等限量版，实在令人叹为观止！想不到孙慧雪原来都是收藏玩具爱好者，虽然她的收藏并不是件件都属贵价货，但每一样收藏背后都有故事！

孙慧雪收藏玩具件件都有故事！

孙慧雪珍藏充满童年回忆

「宅男女神」之称的孙慧雪，原来从小已经喜欢画画，长大后更加是漫画迷兼玩具迷，孙慧雪日前应《星岛头条》的邀请，分享关于精品方面的收藏！孙慧雪当日在拎了一个My Melody的头型拖喼，喼内装满了不少SANRIO的Little Twin Stars、Hello Kitty、THE VAUDEVILLE DUO和My Melody等等精品，几乎摆满了一张四人枱！孙慧雪笑称这些珍藏只是的冰山一角，不过已经充满了她的童年回忆。

孙慧雪拎着最爱的Little Twin Stars笑说：「所有嘢都同我童年有关，以前好羡慕同学生用SANRIO啲文具，我细个连玩具都冇，嫲嫲唔畀我玩，就算系人哋送，佢都会好爱惜咁包实晒唔畀我玩，就算玩啲嘢都系好日常，好以喺佢摘菜我就喺侧边扮小贩，玩啲屋企有嘅嘢，好似做戏一样，所以大个咗咪去考训练班，而家大个就会买返啲玩具嚟安慰自已，呢啲系细个冇嘅嘢，睇返系弥补啲，我储𠮶啲都系我成长嘅年代。」

孙慧雪与老公租三个仓放玩具

孙慧雪的老公罗天彦（Edwin Lo）外型Man爆，又有谁会想到原来与太太一样，都喜爱收藏玩具，孙慧雪笑说：「佢成日都话冇人睇得出佢系咁，其实佢内心系住咗个迪士尼，我哋一得闲就去行『现时点』猛咁睇公仔，佢又会陪我去SANRIO睇嘢，就算去日本，都系行秋叶原同埋玩具街睇啲古老玩具。」孙慧雪称向来收藏是按自己喜好，反而老公比较多喜好，她说：「有啲人话储KAWS、BE@RBRICK可能会用嚟炒卖，又或者买啲好值钱，不过我老公话细个𠮶阵喺搭车见到KAWS系画啲喷画，已经开始储到而家，而唔系啲人话好值钱用嚟炒，佢真好钟意，连BE@RBRICK都系储咗好多年。我哋租咗3个迷你仓，屋企有一间玩具房，但系连厅都摆满咗，咁啱我哋都钟意，𠮶阵佢话同我夹，大家都系钟意去主题乐园玩，而且又劲钟意啲公仔！」

孙慧雪开始储玩具成长背景有关

不过孙慧雪开始储玩具的时间比老公还要迟，原来与成长背景有关，她说：「我谂应该系自己有能力买嘢嘅时候，大约系20岁左右，因为10几岁𠮶阵，我记得买咗个PC狗锁匙扣，系28蚊，当时系储零用钱自己买，点知返去畀嫲嫲闹我点解有钱就买埋啲无谓嘢，又唔储起啲钱，搞到我好惊，唔够胆再买。到大个咗做嘢辛苦，我自己又好悭，唔会买啲名牌，咪去精品店买公仔奖励自己，𠮶阵觉得我又唔系使咗好多钱，但系又可以令自己开心。第一个买嘅公仔系55蚊嘅HELLO KITTY，喺北角健康商场一间精品店，第二个买嘅系SANRIO嘅精品，系喺天后地铁站隔离一间精品店，跟住越买越多。」

讲到其中一个最爱的收藏，相信是两个2000%大的BE@RBRICK，去年适逢是迪士尼100周年，有商场与玩具品牌推出100只独一无二2000%迪士尼角色BE@RBRICK模型，孙慧雪当时获邀出席活动并入纸抽签购买，最后成功以5位数字买入，孙慧雪笑说：「𠮶次我哋带哥哥去睇展览，哥哥先系见到《小木偶》入面嘅吉明尼小蟋蟀，写咗老公同细佬个名，佢见到有少少失望，但系好乖冇出声，因为佢觉得要锡个细佬。我同爸爸都知佢失望，但系冇话佢知，去到《玩转极乐园》(Coco) 嘅米哥（Miguel）见到自己同妈妈个名，个样系function 唔到，佢觉得好惊喜，可能以为爸爸妈妈有咗细佬就唔锡我，点知原来系同妈妈有一只。」

孙慧雪为儿子买心头好

孙慧雪笑说：「连顺丰送货𠮶个人话好惊整烂，呢两个BE@RBRICK而家摆咗喺屋企，一直都未拆，因为细仔而家学行，好钟意撞埋啲嘢度，我哋好惊佢撞花，所以咪包实晒佢。呢个系留番畀我哋两个仔，哥哥佢好钟意《Remember Me》呢首歌，所以我咪谂不如妈咪送份礼物畀佢，等佢大个都会Remember Me。呢个2000%全球系得一只，真系好值得。」除了这两个2000%大的BE@RBRICK外，孙慧雪称老公亦有不少收藏：「如果1000%我谂佢都有50只左右，佢有埋Beatles特别版，试过有人出价出到20几万，同我老公讲想买佢啲BE@RBRICK，好似系啲三眼米奇同埋啲蜜瓜，𠮶啲系难啲，但系佢都话唔买，因为呢啲系佢嘅心头好。佢仲有啲奈良美智嘅画，有阵话佢买得太多，佢就话保值。」

孙慧雪最爱还是《飘流教室》

不过对孙慧雪而言，最爱还是《飘流教室》，当中亦代表着夫妇二人，孙慧雪说：「我好钟意闻书味，所以细个好钟意睇漫画，尤其系恐怖漫画，《飘流教室》嘅诚仔系谋图一雄嘅漫画里面，其中一个好标志嘅人物，唔知点解，我自己见到觉得好得意。我老公知道我好钟意，所以咪拎咗嚟求婚，变咗更加有意义。跟住我老公一见到诚仔嘅公仔就会买，而家大约储咗50几只左右，喺日本出嘅诚仔基本上都有晒，只系争一只，𠮶个系最大嘅一只，系旧版嘅公仔。」孙慧雪亦曾拍开箱片，分享买这类公仔要注意的地方：「唔好以为未开箱一定好，反而开咗箱之后，只公仔冇咁易发霉，好多人储kaws，好贵炒价买，好多人揾未开箱，有个风险，未开箱𠮶个可能贵好多，但系保存会冇咁好，开咗箱系平啲，但系保存会好啲。」

其他文章：

男神潮牌童装大比并！陈冠希联乘The North Face设计外套余文乐与Converse合作出鞋仔丨星级品味

七间星级食府推介！歌神排队都食米芝莲泰式船面刘嘉玲梁朝伟饭堂成名流至爱丨星级品味

金像奖2024群星穿搭逐件睇！刘嘉玲金龙虾颈饰价值8万出炉影后余香凝满手Tiffany钻饰丨星级品味

「职场女王」Son姐古董餐具传承三代紫砂茶壶手工精细极珍贵丨星级品味

名音乐人王双骏靓帽珍藏全公开！有顶全球独有为陈奕迅火烧帽最有味道丨星级品味

----------------------

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow

由即日起至5月27日，参加《星岛申诉王》「港人置业意向」问卷调查，即有机会赢走香港迪士尼乐园门票2张或SMARTECH智能煮食锅！ https://bit.ly/3V7t3o7