《反起跑》演校长过足瘾袁富华心愿做齐镜仔老窦

头条日报-娱乐

更新时间：00:00 2022-03-31 HKT
发布时间：00:00 2022-03-31 HKT

袁富华（Ben哥）最近在ViuTV剧《反起跑线联盟》演百厌「孔校长」，讲到剧中「学生」，他大赞可爱又专业，不过未有改变他跟女友过二人世界的想法，但讲到演戏，他就好享受当爸爸。在ViuTV新剧《季前赛》演Edan（吕爵安）@MIRROR爸爸的他，更声言心愿是做齐12个镜仔老窦。采访：杜杜

Ben哥谓到现在也很怀念小演员齐大叫「孔校长」的情景，因剧中童星真的太可爱，而且几岁人仔表现相当专业，令他好感动，「演肥仔同娟姐个囝囝嘅小演员，有场毕业戏小朋友要逐个上台，佢排到尾二，上到台你估佢只手充满啲咩？系鼻嘅分泌物，哈哈！其实佢本身好易鼻敏感，但佢知拍紧嘢，咪唔出声一路揾只手抹，你就见到佢嘅专业态度，呢样嘢系令我好感动。」
现实无意做老窦

讲起一班小朋友，这个「孔校长」就劲冧，但跟圈外女友拍拖多年的他，未有动摇不当爸爸的想法，「唔好啦啩！冇咁嘅精力凑，我有个朋友佢生两个细路相隔4年，佢都话冇力凑，更何况我呢啲年纪，都系二人世界算啦！两个够晒数，哈哈！」

现实不想做老窦，但演戏Ben哥就唔怕多，仲想做齐MIRROR 12子的爸爸，因为他继在ViuTV剧《无限斜栋有限公司》做过Ian爸爸后，最近在《季前赛》又做Edan爸爸，他大赞这个「仔」够聪明，「其实我唔系第一次同佢合作，《娱乐风云》虽然冇乜对手戏，但系同佢都倾过偈，有场戏我同佢分享，讲咗几句，佢就识得做跟住𠮶场戏，所以佢哋成功唔系靠运气啰！我有个心愿，就系做齐镜仔嘅爸爸，哈哈！不过随缘，唔好咁多野心！」