星级大搜查｜明星拣表有乜准则？《中声2》人气王爱「天价」名表 两大娱圈隐藏「表王」曝光
发布时间：08:00 2025-06-16 HKT
明星艺人要装身，行头自然少不了，手表可以说是「行头」的关键之一。今集《星级大搜查》搜查一吓，一众艺人是如何选择手表，以及对于购买手表有哪些偏好及心水品牌。
谢君豪独爱古董表
《星级大搜查》访问了多位艺人分享选购手表的偏好。不少艺人包括周秀娜、江嘉敏、张与辰及黄博等，都表示较常用手机看时间，手表则成为他们的饰品之一。
江嘉敏表示手表的外型是她买表的首要考量。她说：「我觉得要靓啰，因为要嚟衬衫㗎嘛，我自己都有表嘅，但有唔同颜色唔同形状，圆形或者正方形，颜色就有金色同一只银色，最基本嘅衬衫颜色我都有。」谢君豪则表示偏好古典款式，「我比较钟意啲古典啲嘅 ，我好钟意古董表。」
罗启豪重视手表功能性
有人追求款式，亦有人重视手表的功能性。罗启豪说：「我都系近年先有帮自己买表，唔系好贵，都系千多元。我个人比较钟意功能性，多于个价钱或者品牌，呢几年我都系想买一啲智能表，可以监察到我行咗几多步，最紧要系呢样嘢。」 周吉佩则指平日经常戴手表，直言「冇表系会唔自在」，他说：「我平时系唔用智能手表，我净系用啲低智能，即系用上链𠮶啲，唔需要用电，最紧要防撞。」黄博则笑言自己重视手表实用性：「我比较钟意系防水功能比较好嘅，同埋轻盈啲冇咁重嘅。」
相关阅读：星级大搜查丨明星爆趣洗头秘招大公开 方力申忌𢯎头Edan讲究地心吸力 娟姐：唔洗太干净
邱士缙买表最紧要保值
款式和功能以外，当然亦有不少艺人热爱经典手表品牌，既是品味象征，同时有保值作用。邱士缙（Stanley）说：「我注重佢𠮶个保值嘅程度，手表嚟讲，相对都有多一个功能就系可以保值，又可以戴住嚟保值，呢个都系我会睇嘅嘢嚟。」
而出名对手表甚有研究的谭辉智则说：「好多我哋呢啲年纪嘅，好多男仔唔系钟意车，就系钟意睇表。好多表我都好钟意睇，每个牌子都会有啲心动，但你买完呢只，又未必系戴一世，你又会睇第二只，所以我都系睇居多。有时有啲心动𠮶啲表都会买嘅，类似劳力士𠮶啲。」他认为最受欢迎的名表品牌是劳力士（Rolex）、AP（Audemars Piguet）及PP（PATEK PHILIPPE），更笑言自己的「梦中情表」就是PP的出品。
相关阅读：星级大搜查丨明星千奇百趣恐惧症 P1X3L成员有尖嘴恐惧 糖妹最惊一种声音 医生：属于精神病
张与辰爱陀飞轮
至于同样对名表有追求的还有张与辰。他说：「我自己本身系比较钟意指针表，因为我觉得指针比较复古。」张与辰表示喜欢陀飞轮，「真系正啲啊嘛！尤其是自己上链𠮶啲呢！」而且他认为戴手表予人一种重视时间的感觉，「我觉得都系要时刻提醒自己要重视时间，同埋要准时呢件事。」
张敬轩：手表系一种品味
张敬轩则表示自己观念较传统，他认为戴手表有重要的意义。他说：「我觉得戴表除咗系一个生活上对自己时间观念嘅要求之外，其实都系一种品味嚟，细个唔系好明，大个就真系会储钱买表。」张敬轩认为买表就如人生的里程碑，「对于我嚟讲系提醒自己要珍惜时间，譬言我对我身边重要的人，佢哋生日我都会送只表畀佢哋，因为佢哋将佢哋嘅时间畀咗我，咁我又冇得畀返啲时间佢，咁我就送只表畀佢，将来有必时可拿去典当。」他笑说。
相关阅读：星级大搜查丨新一代「明星街市」大公开 档主爆陈山聪、陈炜专攻煲汤料 呢个街市外围最易偶遇艺人
方中信、陈卓贤被爆是爱表之人
众所周知，娱乐圈中有不少人热爱储名表，今集《星级大搜查》加入「爆料」环节，由艺人们分享哪位圈中人是「表王」。邱士缙大爆MIRROR的陈卓贤（Ian）原来特别喜爱手表而且甚有研究，张敬轩则大赞方中信（方中Sir）是最有品味，他说：「以我所知，方中Sir有好多好靓嘅表。」江嘉敏则说：「表啊！玩得最出名系咪黄宗泽（Bosco）？同埋张智霖啰！」
你又觉得边位明星艺人对手表最有研究呢？不妨留言给《星级大搜查》分享吓！
