甚么人比收租佬更加孤寒？｜汤文亮
更新时间：10:58 2025-06-23 HKT
发布时间：10:58 2025-06-23 HKT
发布时间：10:58 2025-06-23 HKT
字体大小
请完老友食饭仲俾佢嘲笑，佢话一般收租佬都非常孤寒，不过他明白，收租佬赚的是蝇头小利，就算赚晒都是租金，所以要悭啲洗，唔似得炒家，随时一买一卖赚楼价10几个巴仙，咁容易赚钱唔使对唔住自己，应该冇乜有钱人孤寒得过收租佬。
食息客「悭到尽」做定存
我同意炒家比收租佬阔绰，主要原因是收租收孭住一笔债，冇乜现金，想唔孤寒都唔得，而炒家又唔同，不但赚钱容易，而且经常有很多现金，阔佬是正常的。
有一些人比收租佬更加孤寒，不过，他们并不是没有现金，而是太多现金放在银行做定存，本来那些人应该非常阔绰，但唔知点解，那些收息过日的人非常孤寒，他们宁愿悭啲，将收息赚到的钱去做定存，叫他们使钱如钻木取火，不过，如果定存利息太低，那些食息的人反而愿意使钱，他们认为，那些钱唔使都冇用，又唔可以生息，原来利息低反而会令到食息的人使钱。
虽然炒家比收租佬阔绰，但收租佬绝不孤寒，尤其是近日利息下跌，收租佬少付很多利息支出，手松一些亦无可厚非，所以，近日大家如果有收租佬请食饭，千祈唔好再话收租佬孤寒，会好容易得罪人。
汤文亮
纪惠集团副主席及行政总裁
