黄日华丧妻后钻牛角尖：分分钟跟佢去埋 含泪感激苗侨伟「拯救」
发布时间：21:00 2025-06-26 HKT
1996年港姐「四料冠军」兼1997年国际华裔小姐亚军李珊珊当年御任后加入TVB并曾拍摄《烈火雄心》、《挞出爱火花》、《鉴证实录》等剧集，其后再转战电影，不过在2005年开始减产，神隐期间一度传出患脑癌及抑郁消息，直至2019年，李珊珊为精神健康基金会拍摄短片，分享患上惊恐症及治疗期间过程，指自己于2017年出现发热、冒冷汗及呼吸困难等症状，感到身处濒死边缘。
李珊珊黄日华相隔多年再合体
曾经每日徘徊地狱又折返人间的李珊珊积极面对病情，成功战胜情绪病后复出转型做YouTuber，创办《 三坐山 Mount Trio》YouTube频道，在昨晚（25日）播出的一集，找来偶像黄日华做嘉宾，原来今次是李珊珊和黄日华相隔多年再合体，黄日华说：「我哋好多年冇联女络，早几年仲好担心妳，身边啲朋友个个冇你嘅消息，而家出返嚟，真系好开心。」
相关阅读：90年代「传奇女星」惊爆惨痛经历 被变态男伸出X头非礼：吓到魂魄唔齐
黄日华为太太完成后事终「爆煲」
黄日华太太梁洁华于2020年不幸因病离世，遗下两父女相依为命。丧妻之后未有再接拍电影及电视剧，黄日华回想当日照顾太太，他说：「𠮶阵唔会谂咁多嘢，全心全意照顾太太，乜嘢朋友都唔见，一起身就去医院，乜都以佢为先。」李珊珊大赞黄日华是好男人，黄日华说：「咁佢始终系我老婆，系自己拣返嚟，一定要爱锡佢，有乜事都要面对现实，唔会放弃。去到最尾𠮶几日，我知系乜嘢结果，但系都要接受。」太太的丧礼完成后，黄日华终于「爆煲」：「𠮶阵一个人喺间房，开始会谂返转头，点解个天要咁样对我，唔畀我有一个好结局，佢曾经讲过想退休之后，我哋孭住个背囊去环游世界，点解我做唔到？我都算系好人，点解会有咁嘅结局。」
黄日华忆述丧妻后心情流下男儿泪
黄日华曾表示看到太太患病时很心痛：「我成日同个天讲，祢畀佢好返，就算我知10、20年命都冇所谓，可惜始终都改变唔到。」经历过一段胡思乱想的日子，黄日华说：「𠮶阵三哥keep住揾我，成日叫我出去饮茶，佢将我喺个低谷拉返出嚟，真系好多谢佢。」黄日华亦忍不住流下男儿泪：「佢两公婆真系好关心我，而家再谂返转头，会觉得事情都发生咗，结局摆咗喺你面前，点都要承受，慢慢执返好佢，唔开心一定有，但系尽量忘记以前啲嘢，我仲要照顾女同佢嘅屋企人，如果得我一个就好危险，分分钟跟佢去埋。」不过因为太太的离去，黄日华决定不再拍戏：「佢系我头号fans，每次佢睇完会畀意见，因为佢分析力好强，我先有进步。自从佢走咗，睇唔到我做戏，咁我仲做嚟做咩？而且我本身唔系咁钟意做呢行，加上经济唔算有压力，咪当休息下。」
相关阅读：「传奇港姐」嫌钱腥拒爱？自爆曾获富商送逾3千万豪宅兼任拣Benz 连介绍人都有6位数
黄芷晴由艺人转型幕后：
黄日华曾为演出而「剪脷根」
黄日华自从为罗敏庄的直播担任嘉宾后，本来不打算再做，不过今次因为李珊珊而再出山，二人一见面便互相拥抱，黄日华笑说：「我等咗好耐，个个都上咗嚟，点解仲未到我。」李珊珊亦称神隐期间收过黄日华鼓励：「你叫我系时候行出嚟，唔好收埋自己，我真系好多谢你。」黄日华入行多年，曾有传他为了演出而「剪脷根」，黄日华说：「𠮶阵训练班实习要挨夜，人又唔够瞓，讲嘢又唔字正腔圆，试过畀导演开咪闹，有一日放假经过医务所，人哋话我『黐脷筋』，反正我又冇嘢做，咪去揾医生剪咗佢。」黄日华续说：「𠮶阵又唔好痛，不过我觉得帮助唔大，反而听老师讲，慢慢读好啲剧本，再加上经验多咗，对自己压力冇咁大，自然信大大咗，讲嘢就好啲。」
防止自杀求助热线：
「情绪通」精神健康支援热线：18111
香港撒玛利亚防止自杀会： 2389 2222
生命热线： 2382 0000
明爱向晴轩： 18288
社会福利署： 2343 2255
撒玛利亚会热线(多种语言)： 2896 0000
东华三院芷若园： 18281
医管局精神健康专线： 2466 7350
赛马会青少年情绪健康网上支援平台「Open 噏」：http://www.openup.hk
