TVB体坛猛人曾因身体缺陷连上镜都讨厌自己 曾考虑做整形手术因好友一句话释怀
发布时间：09:00 2025-04-08 HKT
凭TVB处境剧《爱．回家之开心速递》饰演「接龙」行政部主管「刘德华Andy」而成功入屋的崔锦棠，虽然今年已经55岁，不过他并非「甘草」演员，因为他入行前曾是香港三项铁人代表队成员及教练，退役后先后在有线及TVB担任体育编辑和旁述工作，想不到在4、50岁，因TVB架构重整而转型成为演员。
崔锦棠小时候经常被同学取笑
近日崔锦棠接受演艺人协会的YouTube频道「传承．前辈专访」的访问，崔锦棠表示一出世就冇咗只耳仔，小时候经常被同学取笑，想不到长大后因为「Andy」一角，换来一份莫名的满足感。
相关阅读 : 爱回家刘德华饼印仔激罕现身颜值超越爸爸-崔锦棠曾因身体缺陷拒做一事
崔锦棠因身体有缺陷而被取笑：
崔锦棠本身运动健将
在TVB处境剧《爱．回家之开心速递》饰演「接龙」行政部主管的「刘德华Andy」的崔锦棠，虽然角色吊儿郎当兼「缩骨算到尽」，但原来现实生活是顾家男，而且本身运动健将，曾代表香港参加田径、足球及三项铁人赛，为港争光！近日崔锦棠接受演艺人协会的访问，他说：「以前啲人叫我做铁人，而家啲人叫我做Andy，熟悉我嘅人会叫我做Tony。其实我系一个运动员，又系一个演员，我由一个学界尾变成世界赛代表。喺演艺方面，由一个初哥变成而家喺《爱回家》嘅接龙刘德华Andy。」
崔锦棠自问与靓仔完全唔挂勾
崔锦棠还说：「因为我一出世就有缺陷，一出世都系一个其貌不扬的人，亦都系被取笑嘅人，我同靓仔完全唔挂勾，喺我嘅成长过程中，我唔会有自信，唔会觉得机会从事幕前，因为喺我心目中，演员就靓仔。」崔锦棠曾称天生右耳有缺陷，一出世就没有右边耳仔，小时候会被同学和小朋友取笑 ：「我一直都尽量遮 ，当时我只有耳珠，冇咗上面𠮶一部分，所以一直遮住，遮到出嚟做嘢，直到拍《天命》嘅时候， 监制叫我剃头，我同监制话我剃头系冇咗只耳，问佢介唔介意，佢话唔介意，之后开始的时候就坦荡荡见人。」
崔锦棠曾考虑过做整形手术
崔锦棠称最初的日子很不自在，幸好慢慢适应下来，到了拍《爱回家》的时候，曾经有想过现在的科技好，可以做整形，不过因监制的一番话而打消了：「监制都问我其实有冇需要？佢哋觉得唔需要整，而且因为整咗，都唔知道点样交代我嘅角色，事实我觉得喺我呢个年纪仲要做咁大嘅手术，要分几次做，一来我嘅恢复唔好，二来我不可能停工几个月，咁我都要养家，所以最终冇做。」崔锦棠坦言一直避免看右边，就算拍戏都尽量用左边面，后来因为曾伟权而释怀：「因为有一次咁啱约咗一个监制倾偈，佢又约咗权权，我讲开话想做呢个手术，监制叫我问吓权权有乜意见，权权讲呢番话对我很大影响，佢叫我其实唔使介意，你有你自己嘅性格，佢仲举个例子，当年嘅吕良伟好介意自己嘅疤痕，但最后疤痕就是佢嘅icon，咁样就令到我很大嘅释怀。」
《爱回家》有几咁卧虎藏龙：
崔锦棠入行后等多过做
崔锦棠入行后等多过做，因当时他不懂得建立一个角色：「我唔知演员究竟有几多大权力，尤其当你越少演戏机会嘅时候，就会越珍惜，更加唔敢乱嚟。直到Andy我才会，拍呢套剧系好舒服，因为我可以随便改，丰富咗角色，有啲对白系我自己加入去，我都好开心，有啲对白连导演都赞好精警。」对于演员和运动员，崔锦棠称两样都很难，没有比较：「我去演艺界，都系因为运动先带到去到演艺界，演艺界畀到我好大满足，因为做到不同嘅角色，喺人生上好多想做嘅嘢，冇机会经历同演绎，我都可以去演绎，系一个超级大嘅满足。」
崔锦棠坦言运动为他带来无限满足
崔锦棠续说：「运动系畀我无限满足，我嘅所有honor、所有self-respect，所有嘢都系嚟自运动，因为我系一个甚么都没有，甚至有缺陷嘅小孩，喺成长过程，第一次受别人尊重，系因为运动嘅成绩。但而家喺街啲人叫我做Andy，满足感很大， 因为喺呢两年感觉到人气很高，但系收益唔高，我要要养两个仔，总之睇到出粮够用，有剧拍就尽力而为，有讲波就尽量做好，我对体育系有信心，全部都冇后悔，因为全部都系恩赐，所以唔需要后悔，就算畀我再拣，都系会咁做。」
